اپەننين تۇبەگىندە ورنالاسقان سان-سالۆو مەن روككارازو قالالارى ارالىعىن جالعاستىرىپ جاتقان 207 شاقىرىمدىق قاشىقتىقتى ايتۋلى پورتۋگاليالىق ۆەلوشاباندوز 5 ساعات 41 مينۋت 20 سەكۋند ارالىعىندا ءجۇرىپ ءوتتى.
ەكىنشى جانە ءۇشىنشى ورىندى يسپانيالىق دجوناتان كاستروۆەحو ("INEOS Grenadiers") مەن دانيالىق ميككەل بەرگ ("UAE-Team Emirates") ەنشىلەدى. ال "استانا" كلۋبى مۇشەلەرى اراسىنان ەڭ ۇزدىك كورسەتكىشكە ياكوب فۋلسانگ قول جەتكىزدى. جەڭىمپازدان 1 مينۋت 38 سەكۋند قالىپ قويعان ول مارە سىزىعىن توعىزىنشى بولىپ قيىپ ءوتتى.
جالپى ەسەپتە جواۋ المەيدا (پورتۋگاليا, "Deceuninck-Quick Step") الدىنا جان سالار ەمەس. ونىڭ ۋاقىتى – 35:35:50. ەكىنشى جانە ءۇشىنشى ساتىلارعا ۆيلكو كەلدەرمان (نيدەرلاند, "Team Sunweb") مەن پەلو بيلباو (يسپانيا, "Bahrain-McLaren") جايعاستى. ال "استانانىڭ" سەركەسى ياكوب فۋلسانگ ازىرگە التىنشى ورىندا يەمدەنۋدە.
