ماماندار ۇيعىر اۋدانىنىڭ شونجى اۋىلىنداعى قۇلاعان دەنە شىنىقتىرۋ-ساۋىقتىرۋ كەشەنىن جەدەل تەكسەرۋدى اياقتاپ, ونىڭ باستاپقى سەبەپتەرىن انىقتادى. ونىڭ ناتيجەلەرى بويىنشا اپات "9" جانە "10" وستەرى بويىنشا فەرمالاردا باستالعانى انىقتالدى. اپات جايلاستىرىلاتىن تسەمەنت-قۇم تۇتاستىرعىنىڭ بەلگىلەنگەن جوبالىق ماندەرىنەن اسىپ كەتكەن جۇكتەمەلەرىنەن تۋىنداعان. بۇل رەتتە جارتىلاي فەرمالاردىڭ جوعارعى جانە تومەنگى بەلدىكتەرىنىڭ قوسىلىستارىنىڭ مونتاجدىق تۇيىندەرى جوبادان اۋىتقۋ بولىپ سانالاتىن ءارتۇرلى كولەمدەگى التى بۇراندامامەن ورىندالعان.
تىك جۇكتەمەلەر كەزىندە فەرمالاردىڭ مونتاجدىق تۇيىندەرى تارالا باستادى, بۇل ءبىر بۇراندامانىڭ بۇزىلۋىنا جانە كولدەنەڭ جۇكتەمەلەردىڭ فەرمالاردان باعاندارعا بەرىلۋىنە جانە 3-بلوك كونسترۋكتسيالارىنىڭ بىرتىندەپ قۇلاۋىنا اكەلدى. وسىلايشا, 3-بلوكتاعى اپاتتىڭ سەبەپتەرىنىڭ ءبىرى بەكىتىلگەن جوبالاۋ شەشىمدەرىنەن اۋىتقۋ دەپ ساناۋعا بولادى.
كوميتەت الماتى وبلىسىنىڭ اكىمدىگىنە قازاقستان رەسپۋبليكاسىنىڭ قولدانىستاعى زاڭناماسىنىڭ بۇزىلۋىنا جول بەرگەن تۇلعالاردى (مەردىگەر, تەحنيكالىق جانە اۆتورلىق قاداعالاۋ)جاۋاپكەرشىلىككە تارتۋ تۋرالى ءتيىستى حات جولدادى.
سونىمەن قاتار, جوبالاۋ قۇجاتتاماسىندا باعاندارمەن قوسىلۋ تۇيىندەرى كەلتىرىلمەگەن جانە فەرمالاردىڭ تىرەك تاعاندارىنىڭ قۇرىلىمى سيپاتتالماعان, 2-بلوكقا جاناساتىن جەردە 3-بلوك جابىنىنىڭ دەڭگەيىندە دەفورماتسيالىق جىكتەردى ورناتۋ بويىنشا شەشىمدەر كەلتىرىلمەگەن. وسىعان بايلانىستى جوبالىق قاتەلەر جوققا شىعارىلمايدى.
اپاتتىڭ سەبەپتەرى تۋرالى تۇپكىلىكتى تۇجىرىمدار بلوكتىڭ تىرەك كونسترۋكتسيالارىنىڭ ەلەمەنتتەرىنەن ىرىكتەپ الىنعان ۇلگىلەردى ەسەپتەۋ جانە زەرتحانالىق سىناۋ ناتيجەلەرى نەگىزىندە جاسالادى.
شونجى اۋىلىنداعى دەنە شىنىقتىرۋ-ساۋىقتىرۋ كەشەنىنىڭ ءۇشىنشى بلوگىنىڭ (سپورتزالىنىڭ) جۇمساق جابىنىن ورناتۋ جۇمىستارى كەزىندە مەتالل كونسترۋكتسيالارىنىڭ قۇلاۋى 21 قىركۇيەك كۇنى ساعات 11.00-دە ورىن الدى. قۇلاعان بلوكتىڭ اۋدانى 1058,4 شارشى مەتردى قۇرادى. عيماراتتىڭ ءبىرىنشى جانە ەكىنشى بلوكتارىنا اسەر ەتكەن جوق. قازا بولعاندار مەن زارداپ شەككەندەر جوق.
الماتى
