ءداستۇرلى جيىننىڭ وتۋىنە بۇل جولى تۇركيانىڭ نيدە ومەر حاليسدەمير ۋنيۆەرسيتەتى مۇرىندىق بولىپ وتىر. شارانىڭ اشىلۋ ءراسىمى قازاق ۇلتتىق قىزدار پەداگوگيكالىق ۋنيۆەرسيتەتىنىڭ YouTube جەلىسىندەگى رەسمي ارناسىندا كوپشىلىك نازارىنا ۇسىنىلماق.
ونلاين فورماتتا ۇيىمداستىرىلاتىن باسقوسۋعا قازاقستان, تۇركيا, ءازىربايجان, قىرعىزستان جانە باشقۇرتستاننىڭ جوعارى وقۋ ورىندارىنىڭ عالىمدارى قاتىسادى.
– الەمدەگى عىلىم, ءبىلىم سالاسىندا تۇركى الەمىنە قاتىستى زەرتتەۋ جاساپ جۇرگەن عالىمداردىڭ باسىن قوسىپ, عىلىمي باعىتتا پىكىر الماسۋدى قامتاماسىز ەتۋ, جاڭا عىلىمي زەرتتەۋلەرگە جول اشىپ, تۇركى الەمى ادەبيەتى مەن مادەنيەتىنىڭ كەڭەيۋىنە ىقپال جاساۋ – سيمپوزيۋمنىڭ باستى ماقساتى, – دەپ اتاپ ءوتتى قىزدار ۋنيۆەرسيتەتىنىڭ ءباسپاسوز قىزمەتىنىڭ جەتەكشءىسى جاندار اسان.
باسقوسۋدا عالىمدار پەداگوگيكا, ءتىل, ادەبيەت, تاريح, مادەنيەت, ونەر, حالىقارالىق قاتىناستار, ەكونوميكا, فيلوسوفيا, الەۋمەتتانۋ, گەندەرلىك ت.ب. ماسەلەلەر جايىندا جانە جاراتىلىستانۋ عىلىمدارى سالاسىندا پىكىر الماسىپ, بولاشاقتا تۇركى الەمىندە ورتاق عىلىمي جوبالاردى جۇزەگە اسىرۋ تۋراسىندا ۋاعدالاسپاق.
سيمپوزيۋم ءتۇبى ءبىر تۇركى حالىقتارىنىڭ ءوزارا ىنتىماقتاستىعىنىڭ نىعايۋىن, الەمدە بەيبىتشىلىك پەن تىنىشتىقتىڭ قامتاماسىز ەتىلۋىن كوزدەيدى.
ايتا كەتەيىك, تۇركيانىڭ نيدە ومەر حاليسدەمير ۋنيۆەرسيتەتى, قازاق ۇلتتىق قىزدار پەداگوگيكالىق ۋنيۆەرسيتەتى, باكۋ ەۋرازيا ۋنيۆەرسيتەتى جانە م. اكمۋللا باشقۇرت مەملەكەتتىك پەداگوگيكالىق ۋنيۆەرسيتەتىنىڭ ۇيىتقى بولۋىمەن حالىقارالىق تۇركى الەمى زەرتتەۋلەرى سيمپوزيۋمى العاش رەت تۇركيانىڭ ومەر حاليسدەمير ۋنيۆەرسيتەتىندە 2014 جىلدىڭ 18-21 ناۋرىز كۇندەرى ارالىعىندا وتكەن بولاتىن. سونىمەن قاتار شارا اياسىندا اتالعان جوعارى وقۋ ورىندارىنىڭ ستۋدەنتتەرىنىڭ قاتىسۋىمەن ء«تۇبىمىز ءبىر تۇرىكپىز» فەستيۆالى دا تۇراقتى تۇردە ۇيىمداستىرىلىپ كەلەدى.
الماتى
