جاستار رەسۋرستىق ورتالىعىنىڭ ءبىر توپ ەرىكتىسى قالاداعى نۇركەنت شاعىن اۋدانىنا ەلۋدەن استام الما اعاشىن وتىرعىزدى. جاستاردى يگى باستاماعا جۇمىلدىرعان «ەكو-الماتى» اكتسياسى «شەتcىز قالا» جانە «جاسىل قالا» باعدارلامالارى اياسىندا جۇزەگە اسىپ وتىر. وسىلايشا ۆولونتەرلەر قالاداعى بوس جەرلەردى گۇلدەندىرۋدى كوزدەيدى. جالپى, اكتسيا اياسىندا تاعى دا باسقا اۋماقتار قامتىلاتىن بولادى. المانىڭ وتانى سانالاتىن الماتىدا الما اعاشىن كوپتەپ وتىرعىزۋدىڭ وزىندىك سيمۆوليكالىق ءمانى بار.
«الماتى قالاسىنىڭ دەمالىس ورتالىقتارى جانە 8 اۋداندا ورنالاسقان جاستار رەسۋرستىق ورتالىقتارىنىڭ قىزمەتكەرلەرى مەن ۆولونتەرلەرى «ەكو-الماتى» تازا قالا اكتسياسىن جالعاستىرۋدا. جوبانىڭ ماقساتى – قالامىزدى ودان ءارى قۇلپىرتۋ. الما مەن الماتى ەگىز ۇعىم. ەلىمىزدىڭ اۋە قاقپاسى سانالاتىن وڭتۇستىك استانامىزعا كەلگەن شەتەلدىكتەر كوز الدىنا المانىڭ اتاسى اتانعان قالا قانداي ەكەن دەپ ەلەستەتىپ كەلەدى. شاھاردىڭ ءار بۇرىشىندا الما ءوسىپ تۇرسا قانداي جاراسىمدى بولار ەدى. ءبىزدىڭ باستى تىلەگىمىز دە وسى. بۇل ىسكە ءاربىر ازامات بەلسەندى تۇردە ۇلەس قوسۋعا ءتيىس. تەك ناۋقان رەتىندە قابىلداماي, ءوزى ەككەن اعاشتىڭ جەتىلىپ ءوسۋىن قاداعالاسا يگى», – دەيدى الاتاۋ اۋداندىق جاستار رەسۋرستىق ورتالىعىنىڭ جەتەكشىسى نۇرسۇلتان سەمباەۆ.
الماتى
