تەكسەرىستەر ناتيجەسى بويىنشا ۇيىمدار مەن مەكەمەلەردىڭ باسشىلارىنا جارتى ميلليون تەڭگەدەن استام ايىپپۇل سالىندى. ويتكەنى ولاردا قاۋىپسىزدىك رەجىمىنىڭ قامتاماسىز ەتىلمەگەنى انىقتالدى. «ادامدار جاپپاي جينالاتىن ورىنداردا تۇرعىنداردىڭ قاۋىپسىز ءجۇرۋى جانە دەمالۋى ماقساتىندا وبەكتىلەردىڭ باسشىلارى مەن يەلەرى تەرروريستىك تۇرعىدا وسال وبەكتىلەرگە قاتىستى كوزدەلگەن بارلىق تالاپتاردى ورىنداۋى ءتيىس. مەنشىك تۇرىنە قاراماستان, ولار پەرسونال مەن كەلۋشىلەر ءۇشىن قاۋىپسىزدىكتى قامتاماسىز ەتۋلەرى قاجەت», - دەپ اتاپ ءوتتى سقو پوليتسيا دەپارتامەنتى ەكسترەميزمگە قارسى ءىس-قيمىل باسقارماسى باستىعىنىڭ مىندەتىن اتقارۋشى پوليتسيا كاپيتانى الماس شيتقانوۆ.
جىل باسىنان ءتارتىپ ساقشىلارى 150 نىساندى تەكسەردى. تەكسەرىس ناتيجەلەرى بويىنشا 52 ۇيعارىم شىعارىلدى. 4 باسشىعا قاتىستى اكىمشىلىك ماتەريال تولتىرىلدى. بۇلاردا بەينە باقىلاۋ كامەرەالارى تالاپقا ساي كولەمدە بولماعان, سونىمەن بىرگە ونداعى تۇسىرىلىمدەر ەرتە وشىرىلگەن. ولار كەمىندە ءبىر اي ساقتالۋى كەرەك-ءتى. سونداي-اق, كەيبىر قىزمەتكەرلەر تەرروريستىك قاۋىپ تونگەن كەزدە ارەكەت ەتۋ ءتارتىبىن بىلمەگەن.
پەتروپاۆل
