الايدا, ولار تەك مەملەكەتتىك قىزمەتتەردى كورسەتىپ قانا قويماي, زەينەتكەرلەردى ومىرىندەگى ماڭىزدى وقيعالارمەن قۇتتىقتاپ, شاعىن سىيلىقتار سىيلادى.
مىسالى, پاك بون-نەن اجەي 1919 جىلى تۋعان, 101 جاستا. اجەنى وسى اتاۋلى مەرەكەسىمەن قۇتتىقتاۋعا اۋەزوۆ اۋداندىق فرونت-وفيس قىزمەتكەرلەرى ۇيىنە بارىپ, جاڭا جەكە كۋالىگىن راسىمدەپ, مىقتى دەنساۋلىق تىلەي وتىرىپ تۋعان كۇنىنە سىيلىق سىيلادى.
ودان كەيىن حقكو قىزمەتكەرلەرى اۋداننىڭ قۇرمەتتى قاريالارى - سەرگەي سەمەنوۆيچ كوسياكوۆ پەن ۆاسيلي ەگوروۆيچ پەتروۆتى دا تۋعان كۇندەرىمەن قۇتتىقتاپ, قۇجاتتارىن راسىمدەپ, سىيلىقتار تابىستاپ قايتتى. ارداگەرلەرگە فرونت-وفيس ۇجىمىنىڭ اتىنان العىس حاتتار تابىس ەتتى. قاريالار فرونت-وفيس قىزمەتكەرلەرىنە ريزا بولىپ, كوڭىل بولگەندەرى, جىلۋلىق سىيلاعاندارى جانە قامقورلىقتارى ءۇشىن العىستارىن ءبىلدىردى.
ەستەرىڭىزگە سالا كەتەيىك, "ازاماتتارعا ارنالعان ۇكىمەت" مەملەكەتتىك كورپوراتسياسى " ءبىز جىلۋ سىيلايمىز" اتتى جاڭا تۇجىرىمدامانى ىسكە قوسىپ, وعان سايكەس ءاربىر كليەنتتى ايتۋلى وقيعالارىمەن قۇتتىقتايدى.
