ەسكە سالا كەتەيىك, سالىقتىق راقىمشىلىق شاراسى باستالعان كەزدە 1,5 ملن جەكە تۇلعانىڭ جالپى قارىزى 25,1 ملرد تەڭگەنى قۇرادى, ونىڭ ىشىندە نەگىزگى قارىز 21,1 ملرد تەڭگەنى, ءوسىمپۇل 4,0 ملرد تەڭگەنى قۇرادى, دەپ حابارلايدى قازاقستان رەسپۋبليكاسى قارجى مينيسترلىگىنىڭ مەملەكەتتىك كىرىستەر كوميتەتى.
سالىقتىق راقىمشىلىقتى قولدانعان ازاماتتاردىڭ سانى بويىنشا الدا كەلە جاتقان وڭىرلەر ۇشتىگىندە الماتى ق. (39 679), شىمكەنت ق. (28 269) جانە الماتى وبلىسى (19 662).
تومەن بەلسەندىلىك تانىتقاندار قاتارىندا پاۆلودار (5007), اقمولا (4 350) جانە سولتۇستىك قازاقستان (1 568) وبلىستارى.
قارىزدى وتەۋ كولەمى بويىنشا كوشباسشىلار - الماتى ق. (541 ملن تەڭگە), الماتى وبل. (308 ملن تەڭگە) جانە شىمكەنت ق. (245 ملن تەڭگە) تۇرعىندارى.
ەڭ از وتەلگەن قارىز كولەمى باتىس قازاقستان (35,4 ميلليون تەڭگە), پاۆلودار (22,7 ميلليون تەڭگە) جانە سولتۇستىك قازاقستان (22 ميلليون تەڭگە) وبلىستارىندا بايقالىپ وتىر.
ەسەپتەن شىعارىلعان ءوسىمپۇلداردىڭ ەڭ كوپ مولشەرى الماتى (67,8 ملن. تەڭگە) جانە شىمكەنت (42,8 ملن. تەڭگە) قالالارىنا, سونداي-اق الماتى وبلىسىنا (29,3 ملن. تەڭگە) تيەسىلى.
تومەنگى كورسەتكىش اتىراۋ (6 ميلليون تەڭگە), باتىس قازاقستان (3,8 ميلليون تەڭگە) جانە سولتۇستىك قازاقستان (2,8 ميلليون تەڭگە) وبلىستارىندا.
ءوسىمپۇلدى ەسەپتەن شىعارۋدىڭ باستى شارتى - نەگىزگى سالىق قارىزىن تولەۋ. ءوسمپۇلدار تولەنگەن سالىق ءتۇرى بويىنشا ەسەپتەن شىعارىلادى.
سالىقتىق راقىمشىلىقتىڭ مەرزىمى 2020 جىلدىڭ 31 جەلتوقسانىنا دەيىن.
ءوسىمپۇلداردى ەسەپتەن شىعارۋ ءۇشىن ەشقايدا بارۋدىڭ قاجەتى جوق. قارىزدىڭ نەگىزگى سوماسىن تولەۋ جەتكىلىكتى. ءوسىمپۇل اۆتوماتتى تۇردە ەسەپتەن شىعارىلادى.
