6 قازاندا پاترۋلدىك پوليتسيا قىزمەتكەرلەرى ۇرلىق جاسادى دەگەن كۇدىكپەن قىلمىس ورنىندا اقتوبەنىڭ 39 جاستاعى تۇرعىنىن ۇستادى. كۇدىكتى پلاستيكالىق تەرەزە ارقىلى و.كوشەۆوي كوشەسىندەگى ءبىر ۇيگە كىرىپ, پاتەر يەسىنە تيەسىلى جەكە مۇلكىن جاسىرىن ۇرلاۋعا تالپىنعان. الايدا پاتەر يەلەرىنىڭ پوليتسياعا ۋاقتىلى حابارلاسۋىنىڭ ناتيجەسىندە كۇدىكتى قىلمىس ورنىندا ۇستالدى.
سونداي-اق ءدال وسى كۇنى اتالعان ەر ادامنىڭ و.كوشەۆوي كوشەسىندەگى مەتالل كونتەينەردى بۇزىپ كىرىپ, باسقا ۇرلىق جاساعانى بەلگىلى بولدى. ول كونتەينەرگە اسپالى ق ۇلىپتى بۇزۋ ارقىلى كىرىپ, جشس-ءنىڭ ءبىرىنىڭ ديرەكتورى 39 جاستاعى اقتوبەلىككە تيەسىلى ەلەكتر جىلىتقىشىن جانە ەلەكترلى تەسكىشتى ۇرلاپ كەتكەن. شىعىن 61 مىڭ تەڭگەنى قۇرادى.
كۇدىكتى قىلمىستىق ارەكەتتەرىن مويىندادى جانە اقتوبە قالاسىنىڭ ۋاقىتشا ۇستاۋ يزولياتورىنا قامالدى. اتالعان فاكتىلەر نەگىزىندە قر قك 188-بابى 3-بولىگى (ۇرلىق) بويىنشا سوتقا دەيىنگى تەرگەۋ امالدارى جۇرگىزىلۋدە.
