كوبىنە, قالالىقتار تىنىشتىعىن بۇزعان شۋلى كورشىلەرىنە شاعىمدانىپ جاتادى. "تۇنگى وتىرىستى ءتاۋىر كورءىپ, كورشىلەرىنىڭ مازاسىن العان قىلىقتار جۇمىس كۇندەرى ساعات 22-دەن تاڭعى 9-عا دەيىن, دەمالىس جانە مەرەكە كۇندەرى ساعات 23-تەن تاڭعى 10-عا دەيىن اكىمشىلىك جاۋاپكەرشىلىككە تارتۋعا نەگىز بولادى. وعان اقتك 437-بابىمەن 13 مىڭ تەڭگە مولشەرىندە ايىپپۇل تۇرىندەگى جازا كوزدەلگەن. ەگەر وسىنداي قۇقىق بۇزۋشىلىق قايتالانىپ جاسالسا, ايىپپۇلدا ەكى ەسە بولادى. كاسىپكەرلەر مەن وزگە ۇيىم وكىلدەرىنە ايىپپۇل سانكتسياسى 55 مىڭ تەڭگە", دەيدى پد جەرگىلىكتى پوليتسيا قىزمەتى باسقارماسى باستىعىنىڭ ورىنباسارى الەكساندر روزباح.
جىل باسىنان بەرى 1862 سولتۇستىكقازاقستاندىق تىنىشتىقتى بۇزعان كورشىلەرىنە شارا قولدانۋءۇشىن پوليتسياعا جۇگىنگەن. ولاردىڭ باسىم بولىگى وبلىس ورتالىعىندا, تىنىشتىقتى بۇزعان 155 ادام قايتا جاۋاپقا تارتىلعان. سونىڭ ىشىندە تاۋلىكتەپ جالعا بەرىلەتىن پاتەرلەردەگى تىنىشتىقتى بۇزۋ فاكتىلەرى جايلى ءجيى حابار تۇسەدى. كوپقاباتتى ۇيلەردە ءتۇرلى قۇقىق بۇزۋشىلىقپەن ءتيىمدى كۇرەسۋدە جاڭا تەحنولوگيالاردىڭ, اسىرەسە ۇيلەردەگى پودەزدەر بويىنشا WhatsApp جەلىسىندە قۇرعان چاتتاردىڭ كومەگىن اتاپ كەتكەن ءجون. بارلىق كورشىلەر قوسىلعان توپتارداعى كوپشىلىكتىڭ نارازىلىقتارى ءتيىمدى ناتيجەسىن بەرەدى. وسىنداي حات الماسۋلاردا كورشىلەر قوقىس تاستاۋ, رۇقسات ەتىلمەگەن جەرگە كولىكتى قويۋ, تىنىشتىقتى بۇزۋفاكتىلەرىن تالقىعا سالادى.
