اۋداندىق باس سانيتار دارىگەردىڭ قاۋلىسىنا سايكەس, بۋلاەۆ جانە ماعجان جۇماباەۆ اۋدانىنىڭ باسقا اۋىلدارى, سونداي-اق پەتروپاۆل اراسىندا رەسمي, بەيرەسمي تاسىمالداۋشىلارمەن جولاۋشىلار تاسىمالداۋعا تىيىم سالىنادى.
ساعات 22.00-دەن 06.00-گە دەيىن تۇرعىنداردىڭ ۇيلەردەن شىعۋى شەكتەلەدى (جۇمىس جانە مەديتسينالىق كومەكتەن باسقا). قالعان ۋاقىتتا جاقىن ماڭداعى دۇكەنگە, دارىحاناعا شىعۋعا, قوقىستى شىعارۋعا رۇقسات ەتىلەدى.
سونىمەن بىرگە كورشىلەرگە, تانىستارعا, تۋىستارعا, ارىپتەستەرگە بارۋعا تىيىم سالىنادى. بۇدان بولەك, ساعات 19.00-دەن كەيىن ەرەسەكتەردىڭ قاراۋىنسىز كامەلەتكە تولماعانداردىڭ جۇرۋىنە شەكتەۋ قويىلدى. ال 65 جاستان اسقان ەگدە جاستاعىلارعا ءوزىن ءوزى وقشاۋلاۋ رەجىمىن ساقتاۋ كەرەگى ايتىلدى.
