ءفيلمنىڭ رەجيسسەرى سەرىك اپرىموۆتىڭ ايتۋىنشا, «اۋىل» – ومىرلىك قۇندىلىقتار تۋرالى وي سالاتىن تەرەڭ فيلم. فيلم جەلىسى بويىنشا ايدوس ەسىمدى جاس رەجيسسەر بالقاش كولىندەگى بالىقشىلاردىڭ ءومىرى جايلى فيلم تۇسىرۋگە تاپسىرما الادى. بىراق جولدان اداسىپ كەتىپ, ەسكى اۋىلعا تاپ بولادى. سىرتىنان موماقان كورىنەتىن كىشكەنتاي اۋىل ءومىرىنىڭ ءوز زاڭى, شيەلەنىسكە تولى قىزۋ تىرلىگى بار بولىپ شىعادى. «كارتينانىڭ باستى يدەياسى – ءبىزدىڭ بۇكىل ومىرىمىزگە جول سىلتەيدى. بۇل جول – ءوزىڭدى ىزدەۋ, ءومىرىڭنىڭ ماعىناسىن ىزدەۋدەن تۇرادى. «اۋىل» – اۆتورلىق كينو جانە وسى تۇرعىدان قاراۋعا دايىن كورەرمەندەرگە ارنالعان», دەيدى كينوتۋىندى رەجيسسەرى.
قازىرگى تاڭدا فيلم, كينو ورتالىعىنىڭ باسقا دا كوروناۆيرۋستىق پاندەميا اياسىندا قويىلعان شەكتەۋلەرگە بايلانىستى كەيىنگە قالدىرىلعان كوپتەگەن جوبا سياقتى دايىندىق كەزەڭىندە.
