اڭگىمە بارىسىندا تاراپتار حالىقارالىق كۇن تارتىبىندەگى وزەكتى ماسەلەلەردى جانە قازاقستان مەن يسپانيا اراسىنداعى ستراتەگيالىق سەرىكتەستىك نەگىزىندە شارتتىق-قۇقىقتىق بازانى ودان ءارى كەڭەيتۋ كەلەشەگىن قوسا العاندا ەكىجاقتى ىنتىماقتاستىق ماسەلەلەرىن تالقىلادى.
جاھاندىق ماسەلەلەر بويىنشا پىكىر الماسۋ شەڭبەرىندە تاراپتار قازاقستان مەن يسپانيانىڭ بۇۇ-نىڭ قازىرگى كەزەڭدەگى قىزمەتىنە قاتىستى نەگىزگى ۇستانىمدارىنا بولەك توقتالدى. قازاقستان پرەزيدەنتى قاسىم-جومارت توقاەۆتىڭ جانە يسپانيا پرەمەر-ءمينيسترى پەدرو سانچەستىڭ بۇۇ باس اسسامبلەياسىنىڭ 75- سەسسياسىنىڭ جالپى ساياسي دەباتتارىندا سويلەگەن سوزدەرىنىڭ نەگىزگى باعىتتارىن ەگجەي-تەگجەيلى تالقىلادى. تاراپتار قازاقستان مەن يسپانيانىڭ وزەكتى ماسەلەلەر بويىنشا ۇستانىمدارىنىڭ ۇقساستىعىن قاناعاتتانۋشىلىقپەن اتاپ ءوتتى.
سونىمەن قاتار ك. جيگالوۆ سۇحباتتاسىن پرەزيدەنتتىڭ «جاڭا جاعدايداعى قازاقستان: ءىس-قيمىل كەزەڭى» جولداۋىنىڭ نەگىزگى باعىتتارىمەن تانىستىردى. يسپان تاراپى بۇعان دەيىن اتالعان قۇجاتپەن تانىسقانىن جانە ونىڭ ەكونوميكالىق ءوسۋ مەن حالىقتىڭ ءال-اۋقاتىن جاقسارتۋعا باعىتتالعان تۇتاستىعى مەن پراكتيكالىق سيپاتىنا نازار اۋدارعانىن ايتتى.
ەكىجاقتى كۇن ءتارتىبىن تالقىلاۋ بارىسىندا قازىرگى جاعدايدىڭ كۇردەلىلىگىنە قاراماستان, تاراپتار ەكىجاقتى ساياسي, ساۋدا-ەكونوميكالىق ىنتىماقتاستىقتى ءتيىستى دەڭگەيدە جالعاستىرىپ كەلە جاتقاندىعى جانە جوعارى دەڭگەيدەگى ساپارلاردى ۇيىمداستىرۋ بويىنشا بىرلەسكەن جۇمىستى جالعاستىرۋعا دايىن ەكەندىگى ەرەكشە اتاپ ءوتىلدى.
تاراپتار اسكەري-تەحنيكالىق, تاۋ-كەن, كولىك جانە اۋىل شارۋاشىلىق ونەركاسىپتەرى, لوگيستيكا جانە تاعى باسقا دا سالالارداعى ىنتىماقتاستىقتىڭ بەلسەندىلىگى جانە پىسىقتالىپ جاتقان جوبالاردىڭ مازمۇندىلىعى اتاپ ءوتتى.
مادەني-گۋمانيتارلىق سالاداعى ەكىجاقتى ىنتىماقتاستىقتىڭ جەمىستى دامىپ كەلۋىنە نازارعا الا وتىرىپ, اباي قۇنانباي ۇلىنىڭ 175 جىلدىعىن مەرەكەلەۋدى قوسا العاندا ءتۇرلى ءىس-شارالار وتكىزۋدىڭ وڭ ديناميكاسىن قاناعاتتانۋشىلىقپەن اتاپ ءوتتى. وسى ورايدا ەلشى سۇحباتتاسىنا يسپان تىلىنە اۋدارىلعان «قارا ءسوز» بەن ولەڭدەر ەنگەن «اباي» كىتابىن سىيعا تارتتى.
