بيىل توعىز ايداعى قورىتىندى بويىنشا, وتكەن جىلعى وسى كەزەڭمەن سالىستىرعاندا قالاداعى جكو سانى 40% تومەندەدى, جولداعى وقيعالار سالدارىنان جاراقات الۋ ەكى ەسە قىسقاردى.
"نۇر-سۇلتان قالاسىندا جالپى بەينەباقىلاۋ كامەرالارىن ورناتۋ جانە قر باس پروكۋراتۋراسىنىڭ قۇقىقتىق ستاتيستيكا جانە ارنايى ەسەپكە الۋ كوميتەتىمەن بىرلەسىپ انىقتالعان قىلمىستىق اۋلالاردى باقىلاۋدى قولعا الۋىنىڭ ارقاسىندا ەلوردادا قوعامدىق ورىنداردا قىلمىس 44% تومەندەگەنى بايقالادى", دەدى دانيال ايتكەنوۆ.
ايتا كەتەيىك, قازىرگى ۋاقىتتا نۇر-سۇلتاندا 4000 جالپى بەينەباقىلاۋ كامەراسى, قيىلىستاردا 400 "سەرگەك" اپپاراتتىق-باعدارلامالىق كەشەنى جانە جەلىلىك ۋچاسكەلەردە 300 كامەرا ورناتىلىپ قوسىلعان. بۇدان باسقا, جالپى قالالىق بەينەباقىلاۋ جۇيەسىنە سوو, قوناق ۇيلەر, مەملەكەتتىك مەكەمەلەر مەن باسقا دا ۇيىمدارداعى 3000 كامەرا قوسىلعان.
سونداي-اق, بۇگىنگى تاڭدا "قاۋىپسىز قالا" جوباسى ىسكە اسىرىلىپ جاتىر. ونىڭ اياسىندا اۋلالار, الەۋمەتتىك نىساندار, ساياباق ايماقتارى بەينەباقىلاۋ كامەرالارىمەن قامتىلادى.
