قازىرگى ۋاقىتتا پورتالدىڭ سەگمەنتى ادەبيەتتىڭ 60 مىڭنان استام ەلەكتروندىق كوشىرمەسىن قامتيدى. ونىڭ ىشىندە بالالارعا ارنالعان ەلەكتروندىق كىتاپتار سانى 5 551 دانانى قۇراپ وتىر. دەگەنمەن, بۇگىندە قازاقستاندا شىعاتىن بارلىق باسىلىمداردىڭ ەلەكتروندىق نىسانى kazneb.kz پورتالىندا جاريالانباي وتىر. ماسەلەن, ءبىلىم جانە عىلىم مينيسترلىگى شىعاراتىن مەكتەپ ءپان كىتاپتارىنىڭ ەلەكتروندىق نۇسقالارى تولىقتاي قامتىلماعان.
بۇگىندە ەلىمىزدىڭ كىتاپحانا قورىندا جالپى 112 ميلليوننان استام باسىلىم بار, ال ولاردىڭ تەك 1,5 ميلليونعا جۋىعى عانا ەلەكتروندىق نۇسقادا. بۇل – كىتاپحانا قورىنىڭ جالپى كولەمىنىڭ نەبارى 1,3 پايىزىن قۇراپ وتىر. رەسپۋبليكا بويىنشا 3 940 كىتاپحانانىڭ 1 892-ءسى, ياعني 48 پايىزى عانا ينتەرنەت جەلىسىنە قوسىلعان. بۇل ارينە جەتكىلىكسىز, اسىرەسە, قازىرگى قاشىقتىقتان وقىتۋ جاعدايىندا. سوندىقتان بالالارعا ارنالعان جەكە قازاقستان ۇلتتىق ەلەكتروندىق بالالار كىتاپحاناسى پورتالى اشىلسا – نۇر ۇستىنە نۇر بولار ەدى.
"وسىعان وراي, "كىتاپحانا ءىسى تۋرالى" زاڭ جوباسىن ازىرلەۋدى; بالالارعا ارنالعان قازاقستان ۇلتتىق ەلەكتروندىق بالالار كىتاپحاناسى پورتالىن اشۋدى; قازاقستاندا باسىلىپ شىعارىلاتىن بارلىق جاريالانىمداردىڭ مىندەتتى داناسىنىڭ ەلەكتروندىق نىسانىن kazneb.kz پورتالىنا جولداۋ بويىنشا ناقتى جۇيەسىن قالىپتاستىرۋدى; كىتاپحانالاردى برايل قارپى, ۇلكەيتىلگەن قارىپ, سونداي-اق زاماناۋي تسيفرلىق جانە دەيزي (DAISY) نىسانىنداعى كىتاپتارمەن جەتكىلىكتى تۇردە قامتاماسىز ەتۋدى قاراستىرۋىڭىزدى وتىنەمىز", – دەدى سەناتور.
دەپۋتاتتىق ساۋالعا سەنات دەپۋتاتتارى ر.ابدىكەروۆ, ۆ.ۆولكوۆ, س.ايتپاەۆا, ن.بەكنازاروۆ, ا.لۋكين, س.ماكەجانوۆ, ل.سۇلەيمەن قول قويعان.
