كوميتەت توراعاسى مۇرات باقتيار ۇلى الەۋمەتتىك كومەك مەملەكەتتىك الەۋمەتتىك ساياساتتىڭ ءبىر بولىگى رەتىندە حالىقتىڭ ءالسىز توپتارىنا قولداۋ كورسەتۋگە باعىتتالعانىن اتاپ ءوتتى.
"بۇگىندە كومەك ءتۇرلى ساناتتاعى ادامدارعا كورسەتىلەدى جانە 3,7 ميلليونعا جۋىق قازاقستاندىقتى, ياعني ەلىمىزدىڭ ءاربىر بەسىنشى ازاماتى قامتىلادى. قوعامنىڭ الەۋمەتتىك مارتەبەسى ازاماتتاردىڭ ءال-اۋقاتىنا بايلانىستى. سوندىقتان مەملەكەت باسشىسى ءوز جولداۋىندا الەۋمەتتىك قولداۋ ساپاسىن ارتتىرۋ ماسەلەلەرىنە ەرەكشە نازار اۋدارىپ كەلەدى", - دەدى مۇرات باقتيار ۇلى.
سەناتوردىڭ ايتۋىنشا, ۇكىمەت كەيىنگى جىلى الەۋمەتتىك سالانى رەفورمالاۋ جونىندە پارلامەنتپەن بىرلەسىپ اۋقىمدى جۇمىس جۇرگىزدى. وتكەن جىلدىڭ سوڭىندا بىرلەسكەن جۇمىستىڭ ارقاسىندا از قامتىلعان ازاماتتار مەن كوپبالالى وتباسىلاردى قولداۋعا باعىتتالعان اتاۋلى الەۋمەتتىك كومەك جۇيەسىن رەفورمالاۋدىڭ جاڭا تاسىلدەرى ەنگىزىلدى.
ەڭبەك جانە حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆتىڭ ايتۋىنشا, قازاقستاندا 2020 جىلى 6 جاسقا دەيىنگى بالالارعا ارنالعان ازىق-ت ۇلىك جانە تۇرمىستىق جيىنتىقتار العاش رەت قاراستىرىلىپ وتىر. كۇدىكشىلدىك پەن كومەكتى اقشالاي بەرۋ تۋرالى ۇسىنىستارعا قاراماستان ازىق-ت ۇلىك جانە تۇرمىستىق جيىنتىقتار توتەنشە جاعداي كەزىندە ءوزىنىڭ ۋاقىت تالابىنا ساي ءارى قاجەتتىلىگى دالەلدەندى. بۇگىندە مەكتەپكە دەيىنگى جاستاعى 213 مىڭ بالا وسىنداي جيىنتىقتارمەن قامتاماسىز ەتىلدى.
"ازىق-ت ۇلىك-تۇرمىستىق جيىنتىقتاردى جەدەل جانە ۇزدىكسىز جەتكىزۋدى قامتاماسىز ەتۋدە 543 ءونىم جەتكىزۋشىنىڭ اتاۋى قامتىلعان تىزبە بەكىتىلدى. كەپىلدەندىرىلگەن الەۋمەتتىك پاكەت نەگىزىنەن ءىرى ساۋدا جەلىلەرى ارقىلى بەرىلەدى. تاۋار جيىنتىقتارىن جەتكىزۋدى اۋىلدىق جەرلەردە جەرگىلىكتى اكىمدەر جۇزەگە اسىرادى. ءىرى قالالاردا كومەك الۋشىلار ساۋدا ورىندارىنان وزدەرى الىپ كەتەدى", - دەدى ءبىرجان نۇرىمبەتوۆ.
مينيستر سونداي-اق پاندەميانىڭ اسەرىنەن تۋىنداعان جاعدايدى ەسكەرە كەلىپ, وسى جىلدىڭ ناۋرىز ايىنان باستاپ جانە توتەنشە جاعداي مەن شەكتەۋ شارالارىنىڭ بارلىق كەزەڭىنە حالىقتىڭ الەۋمەتتىك ءالسىز ساناتتارىنا, ونىڭ ىشىندە ااك الاتىن مەكتەپ جاسىنداعى بالالارعا 2 اەك مولشەرىندە ازىق-ت ۇلىك جيىنتىعىن ساتىپ الۋ ءۇشىن اي سايىن اقشالاي تولەمدەر جۇزەگە اسىرىلعانىن اتاپ ءوتتى.
وتىرىسقا قاتىسۋشىلار كەزدەسۋ بارىسىندا سەناتورلاردىڭ زاڭ شىعارۋ قىزمەتىندە پايدالاناتىن ۇسىنىستاردى ورتاعا سالدى.
شاراعا حالىقتى الەۋمەتتىك قورعاۋ ءمينيسترى ءبىرجان نۇرىمبەتوۆ قاتىستى.
