وقيعا • 07 قازان، 2020

قاراعاندىداعى ءورت ءۇش ادامنىڭ ءومىرىن جالمادى

253 رەت كورسەتىلدى

بۇگىن قاراعاندى قالاسىنداعى كوپقاباتتى ۇيلەردىڭ بىرىندەگى پاتەردەن ءورت شىعىپ، سونىڭ سالدارىنان 78 جانە 35 جاستاعى ەكى ايەل مەن ءبىر جاسقا دا تولماعان ءسابي كوز جۇمدى، دەپ حابارلايدى Egemen.kz

وقيعا بولعان جەرگە جەدەل جەتكەن ءورت سوندىرۋشىلەر التى ادامدى قۇتقارىپ، 18 تۇرعىندى قاۋىپسىز جەرگە كوشىردى. ولاردىڭ اراسىندا 10 بالا بولدى. ءورت بولعان جەردە   توتەنشە جاعداي دەپارتامەنتىنىڭ 32 قىزمەتكەرى، سەگىز تەحنيكا بىرلىگى جانە اپاتتار مەديتسيناسى ورتالىعىنىڭ بريگاداسى جۇمىس ىستەدى.

وبلىس اكىمى جەڭىس قاسىمبەك ءۇش بىردەي ادامى قازا بولعان وتباسىنا، ولاردىڭ تۋعان-تۋىستارىنا الەۋمەتتىك جەلىلەر ارقىلى كوڭىل ايتتى. 

"بۇل ورنى تولماس قازا. مەن قازا بولعانداردىڭ تۋىستارى مەن جاقىندارىنا كوڭىل ايتامىن"، دەپ جازدى ءوڭىر باسشىسى ءوزىنىڭ فەيسبۋك پاراقشاسىندا.

قاراعاندى وبلىستىق تجد حابارلاعانداي، الدىن الا تەكسەرۋدىڭ قورىتىندىسى بويىنشا ءورتتىڭ شىعۋىنا ەلەكتر جىلىتقىشتى قاۋىپسىزدىك شارالارىن دۇرىس قولدانباي پايدالانۋ سەبەپ بولعان.

 

سوڭعى جاڭالىقتار

ۇقساس جاڭالىقتار