كوپشىلىك پىكىرىنىڭ كومەگى دە كولدەي

كەشە ەكونوميكالىق دامۋ جانە ساۋدا مينيسترلىگىندە پرەمەر-ءمينيستردىڭ ءبىرىنشى ورىنباسارى ومىرزاق شوكەەۆتىڭ توراعالىعىمەن “كەدەن وداعى: مۇمكىندىكتەرى مەن پەرسپەكتيۆالارى” اتتى دوڭگەلەك ۇستەل وتىرىسى بولىپ ءوتتى. وعان كەدەن وداعى كوميسسياسىنىڭ جاۋاپتى حاتشىسى س.گلازەۆ, ەكونوميكالىق دامۋ جانە ساۋدا ءمينيسترى جانار ايتجانوۆا, قارجى ءمينيسترى بولات جامىشەۆ, اۋىل شارۋاشىلىعى ۆيتسە-ءمينيسترى ارمان ەۆنيەۆ, پارلامەنت ءماجىلىسىنىڭ دەپۋتاتى ك.ساعاديەۆ, سول سياقتى ر.الشانوۆ, م.ماحمۇتوۆا, ك.بەرەنتاەۆ, س.بايزاقوۆ سىندى عالىمدار قاتىسىپ, ءوز پىكىرلەرىن ورتاعا سالدى. باسقوسۋدا ءبىرىنشى ۆيتسە-پرەمەر ومىرزاق شوكەەۆ كەدەن وداعى ايا­سىن­داعى ءاربىر كەلىسىم بويىنشا جۇمىس توبىن قۇرۋدى ۇسىندى. “جۇ­مىس تو­بى­نىڭ قۇرامىنا مەملەكەتتىك ورگان­داردىڭ وكىلدەرىنەن بولەك, دەپۋتات­تار­دى جانە عالىمداردى قوسۋ قاجەت,  بۇل رەتتە كەدەن وداعى اياسىن­داعى ءار­بىر كەلىسىم بويىنشا قاتىسۋشى بار­لىق ەلدەر قانداي دا ءبىر ىمىراعا كە­لۋ­لەرى ءتيىس”, دەپ اتاپ ءوتتى ومىرزاق ەس­تاي ۇلى. سونداي-اق تەمىر جول تا­ريف­تەرىندەگى كەيبىر اسا ماڭىزدى ءما­سە­لەلەردى دە نازاردان تىس قالدىرماۋ كەرەكتىگىن تىلگە تيەك ەتە كەلە “بۇلار ىرگەلى ماسەلەلەر, سون­دىقتان دا ءاربىر كەلىسىم بويىنشا جۇمىس توبىن قۇرىپ, ونىڭ قۇرامى­نا دەپۋتاتتار مەن عا­لىم­داردى كىر­گىزىپ, تالقىلاۋ قاجەت. ءبىز تال­قىلاۋعا مۇددەلىمىز. بۇل سونشا­لىق­تى كۇردەلى ءارى تەرەڭ ءىس بولعاندىقتان, ءبىر جەرلەردە كەلەڭسىزدىك جىبەرىپ الۋ ىقتيمالدىعى جوعارى”, دەدى ءوز سوزىندە ءبىرىنشى ۆيتسە-پرەمەر. ءو.شوكەەۆ وسىنداي باس­قو­سۋ­لار­دىڭ الدا تاعى دا وتەتىندىگىن حابارلادى. “دوڭگەلەك ۇستەل” باسىنداعى اڭگىمە جونىندە تاياۋ كۇندەرى تولىعىراق ءسوز ەتەتىن بولامىز. ءابدىراحمان قىدىربەك.