ولاردىڭ اراسىندا اكادەميالىق توپتاردان نەمەسە جەكە سەكتوردان ۇكىمەتتىك جانە بىرلەسكەن ورگانداردىڭ, ۇكىمەتتىك ەمەس جانە حالىقارالىق ۇيىمداردىڭ جانە باسقا دا مۇددەلى تاراپتاردىڭ اتىنان وكىلدىك ەتكەن ساراپشىلار بولدى.
قاتىسۋشىلار ترانسشەكارالىق سۋلار جونىندەگى كونۆەنتسيا جۇمىسىنىڭ اعىمداعى باعدارلاماسىن جۇزەگە اسىرۋ جانە 2018 جىلعى قازاندا نۇر-سۇلتان قالاسىندا تاراپتار كەڭەسىنىڭ سەگىزىنشى سەسسياسىندا قابىلدانعان ونىڭ جاھاندىق اشىلۋىنداعى ىلگەرىلەۋ ماسەلەلەرىن ەگجەي-تەگجەيلى تالقىلادى. بۇدان باسقا, 2021 جىلدىڭ كۇزىنە جوسپارلانعان ترانسشەكارالىق سۋلار جونىندەگى كونۆەنتسيا تاراپتارى كەڭەسىنىڭ كەزەكتى توعىزىنشى سەسسياسىنا دايىندىق جانە 2022-2024 جىلدارعا ارنالعان جۇمىس باعدارلاماسىن ازىرلەۋ ماسەلەلەرىنە ەرەكشە نازار اۋدارىلدى.
حالىقارالىق ديالوگ بارىسىندا قازاقستان وكىلدەرى ونلاين-رەجيمدە ترانسشەكارالىق سۋلار جونىندەگى كونۆەنتسيانىڭ ءرولىن ارتتىرۋ جانە ونى جاھاندىق دەڭگەيدە قولدانۋ اياسىن كەڭەيتۋ بويىنشا ەل قابىلداپ جاتقان شارالاردى اتاپ ءوتتى, سونداي-اق جاڭا ەلدەردى وعان قوسىلۋ مۇمكىندىگىن قاراستىرۋعا شاقىردى.
جۇمىس توبى قازاقستاننىڭ باستامالارى مەن ەلدىڭ ترانسشەكارالىق كونتەكستە سۋ رەسۋرستارىن ورنىقتى جانە ءادىل ءبولۋ جونىندەگى باسشىلىقتى ازىرلەۋ پروتسەسىنە قوسقان ۇلەسىن جوعارى باعالادى. سونىمەن قاتار سۋ ساياساتى بويىنشا ۇلتتىق ديالوگتى (سسۇد) ورىنداۋداعى ىلگەرىلەۋشىلىك اتاپ ءوتىلدى, ول قازاقستاندا ىسكە قوسىلعان ساتتەن باستاپ سۋ رەسۋرستارىن باسقارۋ ماسەلەلەرى بويىنشا ەلدىڭ ءتۇرلى سەكتورلارى اراسىنداعى ءوزارا ءىس-قيمىلدى قامتاماسىز ەتەتىن ءتيىمدى قۇرالعا اينالدى.
ترانسشەكارالىق سۋلار جونىندەگى كونۆەنتسيانىڭ حاتشىلىعى مەن ەۋروپالىق وداق وڭىردەگى سسۇد جۇمىسىنا قارجىلىق قولداۋ كورسەتۋدى جالعاستىراتىنى اتاپ ءوتىلدى. ءوز تاراپىنان, ءبىزدىڭ ەلىمىزدىڭ وكىلدەرى ترانسشەكارالىق سۋلار جونىندەگى كونۆەنتسيا شەڭبەرىندەگى ءىس-شارالاردىڭ ورىندالۋىنا, ونىڭ ىشىندە قارجى رەسۋرستارىن ۇسىنۋ تۇرىندە قولداۋ ءبىلدىردى جانە ارىپتەس ەلدەردى كونۆەنتسيا جۇمىسىنىڭ باعدارلاماسىن تولىق كولەمدە ورىنداۋدا قارجىلىق قولداۋ كورسەتۋگە شاقىردى.
سۋ رەسۋرستارىن ىقپالداسىپ باسقارۋ جونىندەگى جۇمىس توبى ترانسشەكارالىق سۋلار جونىندەگى كونۆەنتسيانىڭ ترانسشەكارالىق سۋ رەسۋرستارىن ىقپالداسىپ باسقارۋ سالاسىنداعى سەكتورارالىق قىزمەتتى جۇزەگە اسىرۋدى قولداۋ بولىگىندەگى كومەكشى ورگانى بولىپ تابىلادى.
جۇمىس توبىنىڭ وتىرىسى بارىسىندا جينالعان بارلىق ۇسىنىستار مەن ەسكەرتۋلەر نەگىزگى باياندامادا كورىنىس تاباتىن بولادى, ال ماڭىزدى شەشىمدەر 2021 جىلى ترانسشەكارالىق سۋلار جونىندەگى كونۆەنتسيا تاراپتارى كەڭەسىنىڭ توعىزىنشى سەسسياسى شەڭبەرىندە تالقىلاۋعا جانە قابىلداۋعا ۇسىنىلاتىن شەشىمدەر جوباسىنا ەنگىزىلەتىن بولادى.
