ءمينيستردىڭ سوزىنشە, جول كارتاسى وبلىستاعى ەڭ وزەكتى دەگەن ەكولوگيالىق پروبلەمالاردى قامتيدى.
"جول كارتاسى 7 بولىمنەن تۇرادى. اتاپ ايتقاندا, كوگالداندىرۋ, قالدىقتاردى باسقارۋ, جەر قويناۋىن پايدالانۋ, ءىرى ءوندىرىس وشاقتارىنىڭ شىعاراتىن قالدىقتارى, راديواكتيۆتى قالدىقتار جانە تاعى باسقا ماسەلەلەر. جالپى جوبانى دايىندار الدىندا ماڭعىستاۋ وبلىسىنداعى ەكولوگيالىق احۋالعا كەشەندى ساراپتاما جاسالدى. وسى ۋاقىتقا دەيىنگى حالىقتىڭ ءوتىنىش-تىلەكتەرى ەسكەرىلدى. قازىر دە بارلىق ماسەلە تولىق قامتىلۋى ءۇشىن كەرى بايلانىس وتە ماڭىزدى", دەدى مينيستر.
كەزدەسۋگە قاتىسقان قوعامدىق ۇيىمدار مەن ءىرى كاسىپورىن وكىلدەرى وڭىردەگى ەكولوگيالىق احۋالدى جاقسارتۋ بويىنشا ءوز ۇسىنىستارىن بەردى. كوپشىلىكتىڭ پىكىرىنشە, وبلىستا تاۋەلسىز ەكولوگيالىق مونيتورينگتى كۇشەيتىپ, اۋانىڭ ساپاسىن باقىلايتىن ارنايى قۇرىلعىلار ورناتۋ كەرەك. ەكوتۋريزم قولعا الىنۋى قاجەت. سونىمەن بىرگە جيىندا قىزىل كىتاپقا ەنگەن كاسپي يتبالىعىن ساقتاپ قالۋ مەن "قوشقار-اتا" قالدىق قويماسىنىڭ ەكولوگيالىق پروبلەمالارى دا كوتەرىلدى.
"قوشقار-اتا" ءبىزدىڭ ماقتانىشىمىز, ەجەلگى زاماننىڭ ەڭ ەسكى ەسكەرتكىشتەرىنىڭ ءبىرى. وكىنىشكە قاراي, ازاماتتارىمىز تاريحي جەردىڭ اۋماعىن لاستاپ جاتىر", دەدى "ەكو ماڭعىستاۋ" قوعامدىق بىرلەستىگىنىڭ باسشىسى.
ءمينيستردىڭ سوزىنشە, كوتەرىلگەن ماسەلەلەردىڭ كوبى جول كارتاسى جوباسىنا ەنگىزىلىپ قويعان.
"جول كارتاسى جۇمىس ىستەيتىن, وزەكتى ەكولوگيالىق شەشىمدەر كورىنىس تاپقان قۇجات بولۋى ءتيىس. اركىم دە ونداعى پۋنكتتەردىڭ ورىندالۋىن قاداعالاي الادى. قوسىمشا ۇسىنىستارىڭىز دا سوندا ەنگىزىلەدى", دەپ اتاپ ءوتتى م.مىرزاعاليەۆ.
جول كارتاسى جوباسى بويىنشا قوعام وكىلدەرى ەكى اپتا ىشىندە ءوز ۇسىنىستارىن بەرە الادى.
ايتا كەتەيىك, ەكولوگيا, گەولوگيا جانە تابيعي رەسۋرستار مينيسترلىگى ەلىمىزدىڭ بارلىق وڭىرىندەگى ەكولوگيالىق پروبلەمالاردى جۇرتشىلىقپەن تالقىلاپ, ارقايسىنا جەكە جول كارتاسىن ازىرلەۋدە.
