"ادامزات وركەنيەتىنىڭ تاريحى سان مارتە دالەلدەگەندەي, ۇلى تۇلعالار كوبىنە كونەنىڭ كۇيرەپ, جاڭانىڭ بوي كوتەرىپ, قوعامنىڭ ءبىر ساپادان ەكىنشى ساپاعا اۋىسار داۋىرىندە دۇنيەگە كەلەدى. جاراتۋشى ءوز مەيىرى تۇسكەن ەرەكشە جاننىڭ بويىنا نۇرلى سيپات دارىتىپ, زامانانىڭ سان الۋان فاكتورلارى ونىڭ قايتالانباس دارا بولمىسىن سومدايدى. اباي قۇنانباي ۇلى تۇلعاسى دا سونداي ارالىق كەزەڭنىڭ جەمىسى. ەسكىنىڭ سوڭى مەن جاڭانىڭ باسىن جالعاعان التىن كوپىر", دەلىنگەن ەلباسىنىڭ ماقالاسىندا.
بۇدان سوڭ, ول حاكىم ءومىر سۇرگەن تۇستا قازاق قوعامى بۇرىنعى حاندىق باسقارۋ جۇيەسىنەن ءبىرجولاتا قول ءۇزىپ, ء"وز قولىنان ءوز ىرقى كەتكەن" الدى ب ۇلىڭعىر ۋاقىتقا تاپ بولىپ, كوشپەندىلىك سالتتارى داعدارىسقا ۇشىراپ, وتىرىقشىلىق وركەنيەت بەلگىلەرى ەنتەلەپ ەنە باستاعانىن جانە ءباھادۇر الاماندىقتىڭ بەتى قايتىپ, زاماناۋي بىلىمگە بەت بۇراتىن كەز تۋعانىن ايتادى.
