«مەملەكەت باسشىسى قىركۇيەك ايىنداعى جولداۋىندا قر اشم-گە اۋىلداعى كووپەراتسيانى ىنتالاندىرۋ شارالارىن ازىرلەۋ مىندەتىن قويدى. قازىر, نەگىزگى نازار ۆەرتيكالدى ينتەگراتسيالانعان زاكىرلى كووپەراتسياعا اۋدارىلۋدا. سەبەبى ءىرى قايتا وڭدەۋ كاسىپورىندارىمەن ءوزارا ءىس-قيمىلسىز ۇساق شارۋاشىلىقتارعا دامۋ قيىنعا سوعادچى. بىراق, ۆەرتيكالدى كووپەراتسيامەن بىرگە قاتار گوريزونتالدى, ياعني شاعىن فەرمەرلەر مەن جەكە قوسالقى شارۋاشىلىقتاردى دا ءوزارا كووپەراتسيالانۋىن دامىتۋ قاجەت», - دەپ اتاپ ءوتتى اشم باسشىسى.
ستاتيستيكا دەرەكتەرى بويىنشا 1 شىلدەدە ەلدە 2 906 اۋىل شارۋاشىلىعى كووپەراتيۆى تىركەلگەن, ولار 52 مىڭعا جۋىق ازاماتتى, ونىڭ ىشىندە 27 مىڭ جەكە شارۋاشىلىقتى بىرىكتىرەدى.
«كووپەراتسيانى دامىتۋدى ىنتالاندىرۋ ءۇشىن بۇگىندە جوعارى نورماتيۆتەر نەگىزىندە ينۆەستيتسيالىق سۋبسيديالاۋ تۇرىندە مەملەكەتتىك قولداۋ شارالارى قولدانىلادى. مال شارۋاشىلىعىن سۋبسيديالاۋ ەرەجەلەرى شەڭبەرىندە دايىندالعان اۋىل شارۋاشىلىعى شيكىزاتىنىڭ قۇنىن ارزانداتۋ كوزدەلگەن. سونداي-اق, اۋىل شارۋاشىلىعى كووپەراتيۆتەرى ءۇشىن بارلىق سالىقتار بويىنشا 70% جەڭىلدىكتى كوزدەيتىن ارنايى سالىق رەجيمى جۇمىس ىستەيدى», - دەدى مينيستر.
سونداي-اق, «ەڭبەك» مەملەكەتتىك باعدارلاماسى شەڭبەرىندە كووپەراتيۆتەرگە نەسيە بەرۋ «اۋىل شارۋاشىلىعىن قارجىلاي قولداۋ قورى» اق ارقىلى 7 جىلعا دەيىنگى مەرزىمگە 6% مولشەرلەمەمەن (جامبىل وبلىسىندا «تاراز» الەۋمەتتىك-كاسىپكەرلىك كورپوراتسياسى ارقىلى 2,5% مولشەرلەمەمەن) جۇزەگە اسىرىلادى.
سونىمەن قاتار, كووپەراتسيانى ىنتالاندىرۋ ماقساتىندا ۇكىمەتتىڭ جوبالىق كەڭسەسى تۇڭعىش پرەزيدەنت قورىنىڭ «ەل ءۇمىتى» جوباسىمەن بىرلەسىپ, قر اۋىل شارۋاشىلىعى مينيسترلىگىمەن بىرلەسىپ, سالالىق جانە وڭىرلىك ەرەكشەلىكتەردى ەسكەرە وتىرىپ, كووپەراتيۆتەردىڭ ءتۇرلى مودەلدەرى مەن ولاردى قولداۋ شارالارىن پىسىقتاپ جاتقان اگروكوشباسشىلار (اگروليدەرلەر) توبىن قۇردى.
