شارتتا قىلمىستىق ىستەر بويىنشا قۇقىقتىق كومەك راسىمدەرى, سۇراۋ سالۋدىڭ نىسانى مەن مازمۇنى, بەرۋ شارتتارى, كومەك كورسەتۋدەن باس تارتۋ ءۇشىن نەگىزدەر جازىلعان.
«شارتتى راتيفيكاتسيالاۋ قىلمىس جاساۋداعى كۇدىكتىلەر مەن ايىپتالۋشىلاردىڭ كىناسىن دالەلدەۋگە باعىتتالعان بارلىق كەشەندى ىستەردى جۇرگىزۋگە, سونداي-اق قازاقستان مەن ۋكراينانىڭ تەرگەۋ ورگاندارىنا ءوزارا تىعىز ءىس-قيمىل جاساۋعا مۇمكىندىك بەرەدى. كەلىسىم قىلمىستىق ىستەردى جەدەل ءارى ءادىل تەرگەۋگە ىقپال ەتەدى», - دەدى سەناتور نۇرلان بەكنازاروۆ.
شارت راتيفيكاتسيالانعاندا ۋكراينا تاراپىمەن قىلمىستىق-قۇقىقتىق سالاداعى ەكىجاقتى شارتتاردىڭ تولىق توپتاماسىن جاساقتاۋ اياقتالادى.
بۇل شارت قىلمىستىق-قۇقىقتىق سالاداعى باسقا ۇقساس شارتتاردان ەرەكشەلەنەدى, وندا بارلىق قازاقستاندىق قۇقىق قورعاۋ ورگاندارى, باس پروكۋراتۋرا, ۇقك, ءىىم, سىبايلاس جەمقورلىققا قارسى قىزمەت, اسكەري پوليتسيا, ەكونوميكالىق تەرگەۋ قىزمەتى وزدەرىنىڭ ۋكرايندىق ارىپتەستەرىمەن ءوزارا تىكەلەي ءىس-قيمىل جاساۋعا وكىلەتتىكتەر بەرىلەدى.
قۇجات پالاتانىڭ قاراۋىنا جىبەرىلدى.
