نۇرسۇلتان جيەنباەۆ 1981 جىلى دۇنيەگە كەلگەن. ەكى جوعارى ءبىلىمى بار: اباي اتىنداعى الماتى مەملەكەتتىك ۋنيۆەرسيتەتىن «حالىقارالىق قۇقىق» ماماندىعى بويىنشا جانە ماسكەۋدىڭ سكولكوۆو باسقارۋ مەكتەبىن «ىسكەرلىك باسقارۋ شەبەرى» ماماندىعى بويىنشا تامامداعان. ماسساچۋسەتس تەحنولوگيالىق ينستيتۋتىنىڭ «زاتتار ينتەرنەتى: بيزنەس مودەلدەرى مەن مۇمكىندىكتەرى» باعدارلاماسىنىڭ جانە Saïd بيزنەس-مەكتەبىنىڭ «بلوكچەين ستراتەگياسى» باعدارلاماسىنىڭ سەرتيفيكاتتالعان مامانى.
ەڭبەك جولىن «قازاقگاز» رەسپۋبليكالىق كومپانياسى» ااق كليرينگ دەپارتامەنتىنىڭ كەلىسىم-شارتتار جونىندەگى مەنەدجەرى بولىپ باستاعان. مەملەكەتتىك ساتىپ الۋ جونىندەگى اگەنتتىكتە, «ازىق-ت ۇلىك كەلىسىم شارت كورپوراتسياسى» اق-دا جۇمىس ىستەدى.
بيزنەس-قۇرىلىمداردا جۇمىس ىستەگەن مول تاجىريبەسى بار. «Kazakh Invest ۇك» اق باسقارما توراعاسىنىڭ ورىنباسارى بولعان. 2017 جىلعى قىركۇيەكتەن باستاپ قازىرگى ۋاقىتقا دەيىن يندۋستريا جانە ينفراقۇرىلىمدىق دامۋ مينيسترلىگىنىڭ «تكش جاڭعىرتۋ جانە دامىتۋ قازاقستاندىق ورتالىعىنىڭ» باسقارما توراعاسى قىزمەتىن اتقارىپ كەلدى.
جاڭا لاۋازىمدا نۇرسۇلتان جيەنباەۆ ەنەرگەتيكا, تۇرعىن ءۇي-كوممۋنالدىق شارۋاشىلىق جانە توتەنشە جاعدايلار سالالارىنا جەتەكشىلىك ەتەدى.
ەسكە سالساق, وبلىس اكىمىنىڭ بۇرىنعى ورىنباسارى ەرماعانبەت بولەكپاەۆ جۋىردا قاراعاندى قالاسىنىڭ اكىمى لاۋازىمىنا تاعايىندالعان بولاتىن.
قاراعاندى وبلىسى
