قوعام • 06 قازان، 2020

ءىىم رەسمي وكىلى قاي وڭىرلەردە بلوكبەكەتتەر قويىلعانى تۋرالى جاۋاپ بەردى

392 رەت كورسەتىلدى

بۇگىن ىشكى ىستەر مينيسترلىگىنىڭ رەسمي وكىلى ءنۇردىلدا وراز "تاڭشولپان" باعدارلاماسىندا قوناقتا بولىپ، سانيتارلىق نورمالاردىڭ قالاي ساقتالعانى تۋرالى، سونداي-اق نۇر-سۇلتان قالاسى قاتاڭ كارانتيندىك رەجىمگە جابىلادى دەگەن جالعان حابارلامالارعا ناقتى جاۋابىن بەردى، دەپ حابارلايدى Egemen.kz

"قازىر ەلدەگى احۋالدى باس سانيتارلىق دارىگەر باقىلاۋدا ۇستاپ وتىر. باس سانيتارلىق دارىگەردىڭ ءار وڭىرلەردە ءوزىنىڭ سانيتارلىق دارىگەرلەرى بار. بۇگىندە ءاربىر ءوڭىردىڭ جاعدايى ءارتۇرلى. ماسەلەن، الماتى قالاسىندا جاعداي ءسال ءورشىپ كەتەتىن بولسا، سول ءوڭىردىڭ سانيتارلىق دارىگەرى قاۋلى شىعارادى. سولاي سانيتارلىق ءىس-شارالاردى كۇشەيتەدى"، دەيدى ول.

سونداي-اق نۇر-سۇلتان قالاسى قاتاڭ كارانتيندىك رەجىمگە جابىلادى دەگەن اقپاراتتىڭ شىندىققا جاناسپايتىنىن ايتىپ ءوتتى.

"بۇگىندە تەك اتىراۋ وبلىسىندا عانا 4 بلوكبەكەت قويىلعان. ونىڭ وزىندە ول بلوكبەكەتتەر اتىراۋ وبلىسىنىڭ كاسىپورىندارىندا ورنالاسقان. ياعني ول جەردەگى شەكتەۋ نورمالارى سانيتارلىق دارىگەرلەردىڭ نۇسقاۋىمەن قويىلدى. ال باسقا وبلىستاردا بلوكبەكەتتەر قويىلماعان. سونداي-اق بىزدە ءاربىر وڭىردە ءوزىنىڭ وپەراتيۆتى شتابى بار. ول سول ايماقتىڭ اكىمدىگىنە قارايدى. ەگەر جاعداي ۋشىعىپ كەتسە، سول شتابتا تالقىلانىپ، ءارى قاراي اكىمدىككە جەتكىزىلەدى. وسىعان سايكەس سانيتارلىق دارىگەر قاۋلى شىعارادى. وسىعان بايلانىستى اكىمشىلىك تاراپىنان جاساقتالعان مونيتورينگتىك توپ جەدەل ارەكەت ەتىپ، بارلىق تيەسىلى قورعانىس كۇشتەرىن، يا بولماسا بلوكبەكەتتەردى ورناتۋعا ساقاداي-ساي"، دەيدى ءنۇردىلدا وراز.

ىندەتتىڭ باستاپقى كەزەڭىندە ءار ايماقتا جالپى 400-گە جۋىق بلوكبەكەت قويىلعانىن جانە كۇنىنە شامامەن 10 مىڭداي قىزمەتكەر، سونىڭ ىشىندە 5 مىڭ اسكەريلەر جۇمىس ىستەگەندىگىن قوسا كەتتى.

 

سوڭعى جاڭالىقتار

وسكەمەندە 5 كولىك سوقتىعىستى

ايماقتار • بۇگىن، 19:15

باس سانيتاردىڭ جاڭا قاۋلىسى شىقتى

قازاقستان • بۇگىن، 14:22

ۇقساس جاڭالىقتار