كەڭەس جۇمىسىنا قالالىق ءبىلىم باسقارماسىنىڭ باسشىسى ل.جىلقىباەۆا, تسيفرلاندىرۋ باسقارماسىنىڭ باسشىسى ب. قوڭىرباەۆ, الماتى قالاسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى ءا. قالىقوۆا جانە باسقالارى قاتىستى.
كەڭەس بارىسىندا سانيتارلىق-ەپيدەميالىق قاۋىپسىزدىكتى قامتاماسىز ەتۋ تۇرعىسىنان مەكتەپ جۇمىسىن تالداۋدىڭ ناتيجەلەرى قارالدى. بۇل الەۋمەتتىك قاشىقتىقتى جانە "ماسكا" رەجيمىن ساقتاۋ, دەزينفەكتسيالىق قۇرالداردىڭ جەتكىلىكتى مولشەرىمەن قامتاماسىز ەتۋ - تۋننەلدەر, سانيتايزەرلەر, تەپلوۆيزورلار, اياق كيىمگە ارنالعان كىلەمشەلەر, باكتەريتسيدتى شامدار, بايلانىسسىز تەرمومەتريا جۇرگىزۋ, دەزينفەكتسيالاۋ جانە جەلدەتۋ جۇيەلەرىنىڭ جۇمىسى. سونداي-اق, مەكتەپتەردىڭ مەديتسينالىق پۋنكتتەرىنىڭ جۇمىسى جانە مەكتەپتەردە قولدانىلعان ماسكالار مەن قولعاپتاردى جويۋ ەرەجەلەرىن ساقتاۋ ماسەلەسى كوتەرىلدى.
كەڭەستە قاشىقتىقتان ءبىلىم بەرۋ, ءبىلىم بەرۋ پلاتفورمالارىن پايدالانۋ, ينتەرنەتكە قوسىلۋ جىلدامدىعى, سونداي-اق مۇقتاج وتباسىلاردان شىققان وقۋشىلار ءۇشىن تەگىن ينتەرنەت پاكەتتىڭ كولەمى ماسەلەلەرىن قاراۋعا ەرەكشە نازار اۋدارىلدى.
ەستەرىڭىزگە سالا كەتەيىك, بۇگىندە الماتىدا 271 مىڭنان استام وقۋشىنى قامتيتىن 207 مەملەكەتتىك مەكتەپ جانە 16 مىڭنان استام وقۋشىنى قامتيتىن قالانىڭ 63 جەكەمەنشىك مەكتەبى جۇمىس ىستەيدى. قالانىڭ 205 مەملەكەتتىك مەكتەبى ءۇشىن وقۋ جىلى قاشىقتان باستالدى. كولساي جانە سۇلۋساي شاعىن اۋداندارىندا ورنالاسقان ەكى مەكتەپتە كەلەتىن وقۋشىلار سانىنىڭ از بولۋىنا بايلانىستى وقۋ شتاتتىق رەجيمدە جۇرگىزىلۋدە. سونىمەن قاتار, اعىمداعى جىلدىڭ 13 قىركۇيەگىنەن باستاپ 1-4 سىنىپ وقۋشىلارى ءۇشىن اتا-انالاردىڭ ءوتىنىشى بويىنشا قالا مەكتەپتەرىندە كەزەكشى سىنىپتار ۇيىمداستىرىلدى. بۇگىنگى جاعداي بويىنشا, الماتى قالاسىنىڭ تقسقبد مالىمەتتەرى بويىنشا كەزەكشى توپ وقۋشىلارى مەن مۇعالىمدەر اراسىندا كوروناۆيرۋس ينفەكتسياسىن جۇقتىرۋ فاكتىلەرى انىقتالعان جوق.
