ءدال سول ماۋسىمدا ۋكراينالىق فۋتبولشىلار كۋبوك يەگەرلەرى كۋبوگىن يەلەنسە, ميۋنحەننىڭ «باۆارياسى» ەۋروپا چەمپيوندارى كۋبوگىن ولجالادى. سودان قارت قۇرلىقتىڭ ەكى ۇزدىگى ءوزارا كۇش سىناسىپ, ۋەفا سۋپەركۋبوگىن ەنشىلەۋگە كىم لايىق ەكەنىن انىقتادى. العاشقى ماتچ 9 قىركۇيەكتە گەرمانيادا ءوتتى. وسى باسەكەدە ولەگ ءبلوحيننىڭ سوققان جالعىز گولىنىڭ ارقاسىندا قوناقتار جەڭىسكە جەتتى. قارىمتا كەزدەسۋ كيەۆتە ۇيىمداستىرىلدى. ويىندى تاماشالاۋ ءۇشىن ستاديونعا 102 مىڭ ادام كەلدى. بۇل ويىندا دا ۆالەري لوبانوۆسكي باپتاعان كوماندا جەڭىسكە جەتتى. ەسەپ – 2:0. گولداردىڭ اۆتورى – بلوحين. ول 40 جانە 53-مينۋتتاردا نىسانانى ءدال كوزدەدى. وسىلايشا كيەۆتىڭ «ديناموسى» 1975 جىلى ەۋروپاداعى ەڭ بەلدى كلۋبتىق اتاقتى ولجالادى.
ال تالاي ماڭىزدى ماتچتاردا گول سوعىپ, جاسىل الاڭدا كەرەمەت ويىن ورگەنىمەن كوزگە تۇسكەن 33 جاستاعى ولەگ بلوحين سول جىلى قارت قۇرلىقتىڭ ەڭ ۇزدىك ويىنشىسىنا تيەسىلى «التىن دوپتى» يەلەندى.
