قازىرگى جاس بۋىن – ەلىمىزدىڭ كەلەر كۇنگى كەلبەتى. جاس بۋىنعا بۇگىنگى وقۋ ۇردىسىنە ساي پەداگوگيكالىق شەبەرلىك قاجەت. «پەداگوگتىك شەبەرلىك – دارىندى تالانت ەمەس, ۇيرەنۋ, ىزدەنۋدىڭ ناتيجەسى. ۇستازدىق – جان-جاقتى بىلىمدىلىكتى, يكەمدىلىكتى, شەبەرلىكتى, مەيىرىمدىلىكتى, ەرەكشە شاكىرتجاندىلىقتى قاجەت ەتەتىن ماماندىق. بىرىنشىدەن, مۇعالىم ەڭبەگى ادامزات قوعامى تاريحىندا جيناقتالعان عىلىم نەگىزدەرىنەن ءبىلىم بەرۋگە ءتيىس بولسا, ەكىنشىدەن, ۇنەمى شاكىرتتەرىمەن قارىم-قاتىناستا بولىپ, بىلسەم, ۇيرەنسەم دەگەن بالا ارمانى مەن ونىڭ سىرلى تاعدىرىنا باسشىلىق ەتۋدى موينىنا العان مامان. ول ناعىز ۇستازدىڭ عانا قولىنان كەلەدى. ۇستاز اتانۋ, ونى قادىر تۇتۋ, قاستەرلەۋ, ارىنداي تازا ۇستاۋدى بورىشى ساناعان جاننىڭ ءبىرى – «الكەي مارعۇلان اتىنداعى №40 مەكتەپ-ليتسەي» كمم ديرەكتوردىڭ وقۋ-تاربيە ءىسى جونىندەگى ورىنباسارى جۇماگۇل ەسىل.
العاشقى ەنبەك جولىن باستاۋىش سىنىپ مۇعالىمىنەن باستاپ, باستاۋىش سىنىپتارى بويىنشا ديرەكتوردىڭ وقۋ-تاربيە ءىسى جونىندە ورىنباسارىنا دەيىنگى ءبىلىم بەرۋ سالاسىنداعى باسپالداقتارىندا قاجىرى مەن قابىلەتىن شىڭداي وتىرىپ, بيىككە ۇمتىلدى. ىبىراي, احمەت, مىرجاقىپ سالعان سارا جولدىڭ ىزگىلىك قاعيداتىن 33 جىلعى ەڭبەك جولىندا بويىنداعى ءبىلىم مەن اقىل, وي قۋاتىن ءبىرىنشى سىنىپ بۇلدىرشىندەرىن سەگىز رەت قابىلداپ, ورتا بۋىنعا جوعارى ساپامەن جىبەرۋگە, ءار شاكىرتىنىڭ ەكىنشى اناسىنداي ارقايسىسىنا بولاشاققا جول سىلتەر اقىلشى بولۋعا جۇمسادى. الەم بويىنشا ورىن العان COVID-19 ىندەتى سالدارىنان ەلىمىزدە دە ۇستازدارعا ارتىلعان جۇكتىڭ وڭاي بولماعانى انىق. وسى تۇستا ابايدىڭ «اقىرىن ءجۇرىپ, انىق باس, ەڭبەگىڭ كەتپەس دالاعا. ۇستازدىق ەتكەن جالىقپاس, ۇيرەتۋدەن بالاعا», دەگەن جىر جولدارىنداي زامان اعىمىنا توتەپ بەرىپ, مەكتەپتىڭ تاربيە ءىسىن ۇيىمداستىرۋ مەن ءبىلىمنىڭ جەتكىلىكتى, ساپالى بەرىلۋىنە دە جۇماگۇل بالتابايقىزىنىڭ ۇلەسى زور.
2019-2020 وقۋ جىلىندا العاش مەكتەپ تابالدىرىعىن اتتاپ: ء«بىلىمنىڭ تۇنىعىنا ەندى قانامىز با؟ ءارىپتى ۇيرەنىپ, تانىپ, ءبىلىم الامىز با؟» دەگەندە قازاقستان بويىنشا كارانتين ەنگىزىلىپ, قاشىقتان وقىتۋ باستالعان تۇستا جۇماگۇل بالتابايقىزى بارىنشا بارلىق بالانىڭ ءبىلىم نارىنە قانىعۋىنا جاعداي جاساپ, ءار شاكىرتكە ساپالى ءبىلىم مەن تاربيەنى جان-جاقتى, ياعني Zووم باعدارلاماسى, ۋاتساپ جەلىسى جانە ت.ب مۇمكىندىكتەردى پايدالانا ءبىلدى. بالالاردىڭ قىزىعۋشىلىعى ويانىپ, ءتىپتى ءوز بەتىمەن ساباق تاپسىرمالارىن ورىنداعانىن كورىپ, اتا-انا رەتىندە تاڭدانباسقا امالىمىز بولمادى.
سوندىقتان ءبىلىم سالاسىنداعى ءتۇرلى رەفورمالاردى باسىنان وتكەرىپ جاتقان قازاقستاننىڭ ءار پەداگوگىنىڭ ەڭبەگى وراسان. وسى تۇستا «جاڭارتىلعان ءبىلىم بەرۋ مازمۇنى» اياسىندا ءبىلىم بەرۋدىڭ باستى تەتىگى ءبىلىمدى ۇرپاق تاربيەلەۋدە جاڭا زامان تالابىنا ساي, قۇزىرەتتى, كرەاتيۆتى پەداگوگتەردىڭ بىلىكتى دە شىعارماشىل شەبەر, ءوز ءىسىنىڭ مامانى بولۋ كەرەگىن ءبىلىم جانە عىلىم ءمينيسترى اسحات ايماعامبەتوۆ ناقتى ايتقان بولاتىن.
«ۇستاز – جان-جاقتى دامىعان ءبىلىمدى تۇلعا. سوكرات ۇستازداردى جاڭبىر تامشىسىنا ۇقساتادى. جاڭبىر تامشىلارى سەپكەن ۇرىق دانىنە ءنار بەرە الاتىنىنداي, ۇستاز دا ءار وقۋشىنىڭ دارىنىن ۇشتاي الادى. مۇعالىمگە ءتان ەڭ ءبىرىنشى قاسيەت – بالانى قۇرمەتتەۋ. بۇل – اركىمنىڭ قولىنان كەلە بەرمەيتىن, ەرەكشە تالانتتى قاجەت ەتەتىن, باي قيالدى ادامعا ءتان. ۇستاز ءارتۇرلى كەزدەيسوق جايتتاردىڭ تۋىنداپ وتىراتىنىن الدىن الا سەزىپ, بولجاپ جانە ونىڭ وڭ شەشىمىن تابۋعا دايىن بولۋعا ءتيىس. ءاربىر شاكىرت وزىنە ۇلگى-ونەگە بولعان سۇيىكتى مۇعالىمىن ۇستازىم دەپ اتايدى. بۇل – كاسىبي دەڭگەيدەگى ۇستازداردىڭ ساپالى ءبىلىم مەن سانالى تاربيە بەرۋىنىڭ ناتيجەلىلىگى», دەيدى جۇماگۇل بالتابايقىزى. بۇل – ناعىز ۇلت ۇستازىنىڭ پىكىرى. ەل بولاشاعىنىڭ تۇتقاسى – ساپالى, سانالى, ءبىلىمدى ۇرپاق تاربيەلەيتىن جۇماگۇل بالتابايقىزى سياقتى مۇعالىمدەردىڭ قولىندا.
نۇر-سۇلتان قالاسىنداعى «الكەي مارعۇلان اتىنداعى №40 مەكتەپ-ليتسەي» كمم 2 «ج» سىنىپ اتا-انالارى اتىنان مەيرامگۇل كاسيمبەكوۆا
