پرەزيدەنتتىڭ بۇل تاپسىرماسىن شىمكەنتتەگى م.اۋەزوۆ اتىنداعى وڭتۇستىك قازاقستان ۋنيۆەرسيتەتى العاشقىلاردىڭ ءبىرى بولىپ جۇزەگە اسىردى. بۇل جوعارى وقۋ ورنىندا ءبىلىم الاتىن بولاشاق پەداگوگتەر 42-48 مىڭ تەڭگە كولەمىندە ستيپەنديا الا باستاعان.
قازىرگى تاڭدا ۋنيۆەرسيتەتتە 4 مىڭعا جۋىق ستۋدەنت پەداگوگيكالىق ماماندىقتا ءبىلىم الادى. سولاردىڭ ءبىرى جانەركە دوسبول. ول فيلولوگيا فاكۋلتەتىنىڭ 2 كۋرس ستۋدەنتى. ەكى شەت ءتىلى ماماندىعى بويىنشا ءبىلىم الادى.
"ۇستازدار مەرەكەسى قارساڭىندا شاكىرتاقىمىز ەسەلەنە تۇسكەنى ماماندىعىما دەگەن قۇرمەتىمدى ودان سايىن جوعارلاتتى. بۇل پەداگوگ بولامىن دەگەن جاستارعا ستيمۋل", دەيدى ول.
ايتا كەتەيىك, ەلىمىزدە ماۋسىم ايىنان باستاپ پەداگوگيكالىق ماماندىقتارعا ءتۇسۋ ءۇشىن شەكتى بالل بىردەن 70-كە دەيىن كوتەرىلگەن. بيىل "التىن بەلگى" توسبەلگىسى يەگەرلەرىنىڭ اراسىندا پەداگوگيكالىق ماماندىقتى تاڭداعاندار سانى 1,7 ەسە ارتقان. سونداي-اق دوكتورانتتاردىڭ ستيپەندياسى 102 مىڭنان 150 مىڭ تەڭگەگە دەيىن وسكەن. مۇنداي شارا جاس عالىمداردى قولداۋ ءۇشىن وتە ماڭىزدى.
"كۇنى كەشە عانا تەلەفونىمىزعا شاكىرتاقى جايىندا سمس كەلدى.48 مىڭ ءتۇستى دەپ. ءوزىم جاقسى وقيمىن. قاتتى قۋاندىق شىنىنا كەلگەندە. بۇل ماماندىقتى تاڭداۋدا باستى ماقساتىم, سانالى ۇرپاقتى تاربيەلەۋگە ءوزىمنىڭ ۇلەسىمدى قوسقىم كەلگەن بولاتىن. كىشكەنتايىمنان مۇعالىم بولۋعا بەت بۇرىپ جۇرگەنمىن. ءبىزدىڭ ماماندىققا وسىنداي مەملەكەت تاراپىنان قولداۋ كورسەتىلىپ جاتقانعا ءبىز ستۋدەنتتەر ءدان ريزامىز", دەيدى م.ءاۋەزوۆ اتىنداعى وقۋ 2 كۋرس ستۋدەنتى جانەركە دوسبول.
م.اۋەزوۆ اتىنداعى وقۋ رەكتورى داريا قوجامجاروۆانىڭ ايتۋىنشا اتالعان ىرگەلى وقۋ ورنىنىڭ پروفەسسور توبىنىڭ جالاقىسى دا وسكەن.
"پرەزيدەنتىمىزدىڭ جولداۋىنا سايكەس, ءبىز م.اۋەزوۆ اتىنداعى ۋنيۆەرسيتەتىنىڭ وقىتۋشى پروفەسسور توبىنىڭ جالاقىسىن 30 پايىزعا كوبەيتتىك. ال پەدوگوگيكالىق ماماندىقتى تاڭداعان ستۋدەنتتەرىمىزدىڭ ەكى ەسەگە شاكىرتاقىسى كوتەرىلدى. بۇدان بالالارىمىز وتە ىنتالانىپ, ەەكىنشىدەن ءوزىنىڭ پەداگوگ مارتەبەسىنىڭ بار ەكەندىگىن ءتۇسىنىپ ۇعىنىپ وقي وتىرىپ جاڭا ماماندىقتاردى دا يگەرۋدى كوزدەپ وتىر", دەيدى ۋنيۆەرسيتەت رەكتورى.
