داۋىستىق حابارلامانىڭ اۆتورى بەلگىلى بولدى. ول ءوزىنىڭ ءانۋار ەسىمدى تانىسىنا قالاداعى ىستەرىن تەزىرەك اياقتاۋعا شاقىردى. سونداي-اق 15 قازاننان باستاپ نۇر-سۇلتانعا كىرۋ جانە شىعۋ جولدارى جابىلادى دەپ حابارلاما جىبەرەدى.
ۆەدومستۆونىڭ مالىمەتىنشە, قالا ماڭىندا بلوكپوستتاردى قويۋ تۋرالى اقپارات شىندىققا جاناسپايتىندىعىن ايتادى.
"قۇرمەتتى ازاماتتار! الەۋمەتتىك جەلىلەردەگى جالعان اقپاراتقا سەنبەۋدى جانە اقپاراتتىڭ رەسمي دەرەككوزدەرىنە سۇيەنۋدى سۇرايمىز. سونىڭ ىشىندە قر دسم تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىنى باقىلاۋ كوميتەتىنىڭ رەسمي سايتىنا جانە Facebook الەۋمەتتىك جەلىسىندەگى اككاۋنتىنا, سونداي-اق كوروناۆيرۋستىڭ تارالۋىنا قارسى ۆەدومستۆوارالىق كوميسسيانىڭ Telegram-كانالىنداعى رەسمي دەرەكتەرگە جۇگىنۋدى تالاپ ەتەمىز", دەيدى ۆەدومستۆونىڭ رەسمي وكىلى ەرجان بايتاناەۆ.
وسىنداي كورىنەۋ جالعان اقپارات تاراتقانى ءۇشىن ول قر قىلمىستىق كودەكسىنىڭ 274-بابى بويىنشا قىلمىستىق جاۋاپكەرشىلىككە تارتىلادى.
