دايىندىق بارىسىنىڭ تانىستىرىلىمىنا 16 بىرلىك قۇتقارۋ تەحنيكاسى جانە وبلىس ورتالىعىنىڭ كوممۋنالدىق قىزمەتتەرىنىڭ 150-دەن استام ارنايى كولىكتەرى قاتىستى.
وبلىس اكىمى ابىلقايىر سقاقوۆقا تجد باستىعى ەرنۇر وتەگەنوۆ حابارلاعانداي, الداعى قىسقا 47 بىرلىك جوعارى تەحنيكا, رەزەرۆتىك قورەكتەندىرۋ كوزدەرى جانە جانار-جاعارماي ماتەريالدارىنىڭ قورى دايىندالعان.
سولتۇستىكتىڭ ىزعارلى قىسى, ايازى, قالىڭ قارىن قارسى الۋعا – اكىمدىكتەر ەرتە جۇمىس باستايدى.
اسىرەسە جول بويىنداعى جۇرگىنشىلەر, كولىكتەر جاعدايى,قاۋىپسىزدىك ماسەلەلەرى قالالىق, وبلىستىق كوممۋنالدىق قىزمەتتەردەن, توتەنشە جاعداي دەپارتامەنتىنەن وتە تىڭعىلىقتى دايىندىقتى تالاپ ەتەدى.
ال قالا باسشىسى ەرجان يمانسليامنىڭ مالىمدەۋىنشە, وبلىس ورتالىعىندا 159 بىرلىك قار جينايتىن تەحنيكاسى بارىن,قالانى قاردان "گوركومحوز" جشس جانە "حولدينگ ترانسس" جشس مەردىگەر ۇيىمدار تازالايدى.
ء"بىرىنشى كەزەكتەگى مىندەت قوعامدىق كولىكتىڭ ءجۇرۋىن جانە جول قوزعالىسى قاۋىپسىزدىگىن قامتاماسىز ەتۋ", دەدى ەرجان يمانسليام.
اي سايىن 12 رەت قار شىعارۋ جانە 12 رەت قۇم سەبۋ جوسپارلاندى. قار شىعارۋعا ارنالعان پوليگوندار انىقتالىپ قويعان. سكۆەرلەر مەن ساياباقتاردا جۇمىس ىستەۋ ءۇشىن شاعىن تراكتورلار ىسكە قوسىلادى.
