كەڭەستە اگەنتتىك پەن مينيسترلىك الەۋمەتتىك مەديتسينالىق ساقتاندىرۋ قورىندا جەمقورلىق تاۋەكەلدەرىنە سىرتقى تالداۋ جۇرگىزۋ تۋرالى بىرلەسكەن بۇيرىققا قول قويدى.
سىبايلاس جەمقورلىققا قارسى قىزمەت دەنساۋلىق ساقتاۋ مينيسترلىگىنىڭ ورتالىق اپپاراتىندا دا وسىنداي تالداۋ جۇرگىزۋدى جوسپارلاپ وتىر. ازاماتتىق قوعامدى تالداۋ جۇرگىزۋگە كەڭىنەن تارتۋ ماڭىزدى. سپيكەرلەر دەنساۋلىق ساقتاۋ سالاسىنداعى قوعامدىق باقىلاۋدى دامىتۋ قاجەتتىلىگىنە ەرەكشە نازار اۋداردى.
سوڭعى 15 جىلدا دەنساۋلىق ساقتاۋدى قارجىلاندىرۋ كەپىلدەندىرىلگەن تەگىن مەديتسينالىق كومەك پەن مەديتسينالىق ساقتاندىرۋ كولەمىن قامتاماسىز ەتۋدىڭ ءوسۋىن ەسكەرە وتىرىپ, 8 ەسەگە ۇلعايدى (2005 جىلى – 191,4 ملرد تەڭگە, 2020 جىلى – 1,6 ترلن تەڭگە).
COVID-19-عا قارسى كۇرەس بويىنشا ەپيدەمياعا قارسى شارالارعا قوسىمشا 300 ملرد تەڭگەدەن استام قاراجات ۇيلەستىرىلدى, ونىڭ ۇشتەن بىرىنەن استامى دەنساۋلىق ساقتاۋ مينيسترلىگى ارقىلى ءبولىندى. شامامەن 60 ملرد تەڭگە كارانتيندىك ءىس-شارالارعا تارتىلعان دەنساۋلىق ساقتاۋ قىزمەتكەرلەرىنىڭ ۇستەماقىسىنا جانە ولاردى قوسىمشا ىنتالاندىرۋعا باعىتتالعان.
"بۇل قاراجاتتى جىمقىرۋ نەمەسە ماقساتسىز جۇمساۋدىڭ الدىن الۋ ماڭىزدى. بولىنگەن ءار تەڭگە ماقساتتى جەرىنە مەديتسينالىق قىزمەتتەر, جەكە قورعاۋ قۇرالدارى, دارىگەرلەرگە ۇستەماقى تۇرىندە جەتۋى ءتيىس. دارىگەرلەر ءوز دەنساۋلىعىن پيدا ەتىپ, پاندەميا كەزىندە حالىققا كۇرەستىڭ الدىڭعى شەبىندە كومەك كورسەتتى. بۇل ءۇشىن ولارعا اگەنتتىك اتىنان ەرەكشە العىس بىلدىرگىم كەلەدى. ەكىنشى جاعىنان, جاعىمدى كۇش-جىگەردىڭ اسەرى جەمقورلىقتى جويادى. وكىنىشكە قاراي, بۇل قۇبىلىس مينيسترلىك پەن ونىڭ ۆەدومستۆولىق باعىنىستى ۇيىمدارىن, سونداي-اق جەرگىلىكتى دەنساۋلىق ساقتاۋ باسقارمالارىن اينالىپ وتپەدى", دەدى اگەنتتىك توراعاسى اليك شپەكباەۆ.
سونىمەن قاتار "انتيكور" دەنساۋلىق ساقتاۋ مينيسترلىگىنىڭ قوعامدىق كەڭەسىنە ساراپتامالىق قوعامداستىقتىڭ قۇزىرەتتى وكىلدەرىنىڭ سىندارلى قاتىسۋ مۇمكىندىكتەرىن كەڭەيتە وتىرىپ, "جاڭا تىنىس بەرۋ" قاجەتتىگىن دە اتاپ ءوتتى.
وتىرىس سوڭىندا 2015-2025 جىلدارعا ارنالعان سىبايلاس جەمقورلىققا قارسى ستراتەگيانى, سونداي-اق اگەنتتىك پەن مينيسترلىك اراسىنداعى سىبايلاس جەمقورلىق قۇقىق بۇزۋشىلىقتاردىڭ الدىن الۋ ماسەلەلەرى بويىنشا ىنتىماقتاستىق تۋرالى مەموراندۋمدى ورىنداۋ اياسىندا بيىل "ادالدىق الاڭى" جوبالىق كەڭسەسىنىڭ جۇمىسى ۇيىمداستىرىلىپ, جارعىسى بەكىتىلدى.
