ەلوردا اكىمى التاي كولگىنوۆ پەداگوگتاردى كاسىبي مەرەكەسىمەن قۇتتىقتادى. العاش رەت قالا باسشىسى اتىنان "نۇر-سۇلتان قالاسىنىڭ قۇرمەتتى پەداگوگى" مەدالىنىڭ يەگەرلەرىنە 833 مىڭ تەڭگە تولەنەدى. سونىمەن بىرگە بىرقاتار وقۋ ورنىنا 9 ملن تەڭگەدەن اكىم گرانتى بەرىلدى.
ء"ار مۇعالىم تۇرعىنداردىڭ ساۋاتتى ءارى لايىقتى ازامات بولۋىنا سەپتىگىن تيگىزىپ, ءبىلىم بەرەدى. مۇعالىمدەرىمىزدى كاسىبي مەرەكەلەرى - ۇستازدار كۇنىمەن شىن جۇرەكتەن قۇتتىقتايمىن. بالالارعا وقۋ ماتەريالىن مەڭگەرۋگە, ءتۇرلى وليمپيادالاردا, بايقاۋلاردا جەتىستىكتەرگە جەتۋگە عانا ەمەس, سونىمەن قاتار ولارعا وزىنە, ءوز كۇشىنە سەنۋگە, كاسىبىن تابۋعا كومەكتەسىپ كەلەسىزدەر.
ەلباسى نۇرسۇلتان ءابىش ۇلى نازارباەۆتىڭ "زياتكەر ۇرپاق" يدەياسىنا سايكەس مەملەكەت ساپالى بىلىمگە ەرەكشە كوڭىل بولەدى. ەلوردادا جىل سايىن وقۋ ورىندارىن سالىپ جاتىرمىز. بيىل سالىنعان مەكتەپتەر سانى وتكەن جىلمەن سالىستىرعاندا ەكى ەسەگە ارتىق. وسى جىلى 12 مەكتەپ سالىندى. كەلەسى جىلى تاعى سونشا مەكتەپ سالىنادى. وقۋ ورىندارىن زاماناۋي جابدىقتارمەن جابدىقتاپ, يننوۆاتسيالىق تەحنولوگيالاردى ەنگىزەمىز.
مەملەكەت باسشىسى قاسىم-جومارت توقاەۆ "پەداگوگ مارتەبەسى تۋرالى" زاڭعا قول قويدى. وسى جىلدىڭ 1 قاڭتارىنان باستاپ پەداگوگتاردىڭ جالاقىسى 25% - كە, ودان ءارى 2024 جىلعا دەيىن تاعى 25% - كە وسەدى. وتكەن جىلى ءبىز تۇرعىن ءۇي ساتىپ الۋ ءۇشىن الەۋمەتتىك جاردەماقى تۇرىندە 1 ملن تەڭگە كولەمىندك 275 تۇرعىن ءۇي سەرتيفيكاتىن وتەۋسىز نەگىزدە بولدىك. بيىل دا ۇستازدارىمىزعا تۇرعىن ءۇي جاعدايىن جاقسارتۋعا كومەكتەسەمىز. قازاقستاندىق يپوتەكالىق كومپانيامەن بىرلەسىپ 1 مىڭ الەۋمەتتىك پاتەر بەرەمىز. بۇل پاتەرلەر مۇعالىمدەرگە, الەۋمەتتىك قىزمەتكەرلەرگە, پوليتسيا قىزمەتكەرلەرىنە, دارىگەرلەرگە, ءورت سوندىرۋشىلەرگە, مادەنيەت جانە سپورت قايراتكەرلەرىنە بەرىلەدى. تۇلەكتەرگە دە قولداۋ كورسەتىلەدى. ماماندىقتى تەگىن وقۋعا 900-گە جۋىق گرانت ءبولىندى. قابىلدانىپ جاتقان شارالار جۇمىس ءۇشىن نەعۇرلىم قولايلى جاعداي جاساۋعا جانە بالالاردىڭ ساپالى ءبىلىم الىپ, باسەكەگە قابىلەتتى بولۋىنا باعىتتالعان. ءسىزدىڭ قاجىرلى ەڭبەگىڭىز ءۇشىن العىس ايتامىن!",- دەدى ەلوردا اكىمى التاي كولگىنوۆ.
ەلوردالىق پەداگوگتارعا "حالىق العىسى", "ەڭبەك ارداگەرى" مەدالدارى, "قازاقستان رەسپۋبليكاسىنىڭ ءبىلىم بەرۋ ءىسىنىڭ قۇرمەتتى قىزمەتكەرى" جانە ءبىلىم جانە عىلىم مينيسترلىگىنىڭ "ى.التىنسارين" ءتوس بەلگىلەرى, گراموتالار جانە ت.ب. تابىس ەتىلدى.
