ايماقتار • 02 قازان، 2020

قوستاناي وبلىسىندا مۇعالىمدەر كۇنىنە ارنالعان مەرەكەلىك جيىن ءوتتى

34 رەت كورسەتىلدى

الداعى جەكسەنبىدە اتالىپ وتىلەتىن مۇعالىمدەردىڭ كاسىبي مەكەرەسى قارساڭىندا وبلىس اكىمى ارحيمەد مۇحامبەتوۆ ۇستازدار قاۋىمىن قۇتتىقتاپ، ءبىلىم بەرۋ سالاسىنا ۇزاق جىل تەر توگىپ، تاباندى ەڭبەك ەتىپ كەلە جاتقان مۇعالىمدەردى   ماراپاتتادى، - دەپ حابارلايدى Egemen.kz

مەرەكەلىك شارا وبلىس اكىمدىگىنىڭ ءماجىلىس زالىندا ءوتتى. جيىن بارىسىندا ءتورت مۇعالىم قازاقستان رەسپۋبليكاسى ءبىلىم بەرۋ ءىسىنىڭ قۇرمەتتى قىزمەتكەرى اتانسا، ەكى ۇستاز ى.التىنسارين توسبەلگىسىن تاقتى. 120 مۇعالىم ءبىلىم جانە عىلىم مينيسترلىگىنىڭ گراموتالارى مەن العىس حاتتارىنا يە بولىپ، 153 مۇعالىمگە قوشەمەت كورسەتىلىپ، وبلىستىق ءبىلىم باسقارماسىنىڭ ماراپاتتارى تابىس ەتىلدى.

"وبلىستىڭ ءبىلىم سالاسىندا 20 مىڭنان استام مۇعالىم ەڭبەك ەتەدى. بيىل ءبىلىم بەرۋ سالاسى 417 جاس مامانمەن تولىعىپ وتىر. ولاردىڭ كوبى بۇگىندە اۋىل مەكتەپتەرىندە ەڭبەك ەتىپ جاتىر. بيىل وبلىستا «پەداگوگ مارتەبەسى تۋرالى» زاڭ تالاپتارىن  جۇزەگە اسىرۋعا 14،1 ملرد تەڭگە قاراستىرىلىپ وتىر. قوماقتى قارجىنىڭ باسىم بولىگى مۇعالىمدەردىڭ جالاقىسىن كوتەرۋگە جۇمسالادى. بيىل قاڭتاردان باستاپ مۇعالىمدەردىڭ ايلىق تابىسى 25%-عا ءوستى"، - دەگەن وبلىس اكىمى مۇعالىمدەردىڭ ايلىق جالاقىسى الداعى جىلى تاعى دا 25%-عا وسەتىنىن ايتتى.

بۇگىندە ايماق مۇعالىمدەرىنىڭ ورتاشا جالاقىسى 200 مىڭ تەڭگەنىڭ ماڭايىندا.

جيىن بارىسىندا  «ۇزدىك پەداگوگ» رەسپۋبليكالىق بايقاۋىنىڭ وبلىستىق كەزەڭندە ۇزدىك شىققان 6 مۇعالىم ماراپاتتالدى.  ايماق باسشىسى جەڭىمپازداردىڭ قولىنا 833 مىڭ 400 تەڭگەنىڭ سەرتيفيكاتتارىن ۇستاتتى.

مەرەكەلىك شارانىڭ سوڭى ونلاين جيىنعا ۇلاستى. قر ءبىلىم جانە عىلىم ءمينيسترى اسحات ايماعامبەتوۆ وڭىرلەرمەن تىكەلەي بايلانىسقا شىعىپ، «ۇزدىك پەداگوگ» رەسپۋبليكالىق بايقاۋىنىڭ جەڭىمپازدارىن قۇتتىقتادى. وبلىستىق كەزەڭدە وزىپ شىققان التى جەڭىمپازدىڭ تورتەۋى رەسپۋبليكا  ۇزدىكتەرىنىڭ قاتارىنان كورىندى. جەڭىمپازدارعا تاعايىندالعان  2 ملن 778 مىڭ تەڭگەلىك سىياقىنى وبلىس اكىمىنىڭ ورىنباسارى باقىت ەسىموۆا تابىس ەتتى. 


قوستاناي وبلىسى

 

 

سوڭعى جاڭالىقتار

اراق ساتىلمايتىن اۋدان

ايماقتار • 14 مامىر، 2021

ۇقساس جاڭالىقتار