كەزدەسۋ بارىسىندا باس پروكۋراتۋرانىڭ, ىشكى ىستەر مينيسترلىگىنىڭ, جوعارعى سوتتىڭ, ادىلەت جانە دەنساۋلىق ساقتاۋ مينيسترلىكتەرىنىڭ, جەرگىلىكتى اتقارۋشى ورىنداردىڭ وكىلدەرى بايانداما جاسادى. قازاقستانداعى ادام ساۋداسىنا قاتىستى احۋال جانە وعان قارسى ءىس-قيمىل شارالارى تالقىلاندى. سونىمەن قاتار كەڭەستە, حالىقارالىق كوشى-قون ۇيىمىنىڭ ساراپشىلارى, قولدانىستاعى نورماتيۆتىك-قۇقىقتىق اكتىلەرگە تۇزەتۋلەر ەنگىزۋگە باستاما كوتەرۋ ماقساتىندا جۇرگىزگەن زەرتتەۋ ناتيجەسى قارالدى.
قازاقستاندا ادام ساۋداسىنا قارسى جۇمىس, 2003 جىلدان باستاپ, قر ۇكىمەتىنىڭ ادام ساۋداسىنا بايلانىستى قىلمىستارمەن كۇرەس, الدىن الۋ جانە الدىن الۋ جونىندەگى ءىس-شارالار جوسپارى اياسىندا جۇرگىزىلىپ كەلەدى.
ادام ساۋداسىنىڭ قۇرباندارىنا ارنالعان ارنايى الەۋمەتتىك قىزمەتتەردى كورسەتۋ ستاندارتى, 2016 جىلى, پيلوتتى تارتىپتە ادام ساۋداسىنىڭ قۇرباندارىن تابۋدىڭ ۇلكەن ۇلەسىنە يە ايماقتاردا ازىرلەندى جانە ەنگىزىلدى: قوستاناي, وڭتۇستىك قازاقستان وبلىستارى, استانا مەن الماتى قالالارى.
كەيىنگى جىلدارى ادام ساۋداسىنىڭ قۇرباندارىنا ارنايى الەۋمەتتىك قىزمەتتەر اقتوبە, شىعىس قازاقستان, قاراعاندى, قوستاناي, قىزىلوردا, پاۆلودار, سولتۇستىك قازاقستان جانە تاعى باسقا وڭىرلەردە كورسەتىلدى.
2016-2019 جىلدار ارالىعىندا 600-دەن استام ادامعا جالپى سوماسى 288 ملن تەڭگەدەن استام قىزمەت كورسەتىلدى. جەرگىلىكتى اتقارۋشى ورىنداردىڭ مالىمەتى بويىنشا, اعىمداعى جىلدىڭ 1-ءشى جارتىسىندا 80 ادام ارنايى الەۋمەتتىك قىزمەتتى الدى.
ەحاقم مۇددەلى ورىنارمەن جانە ۇيىمدارمەن بىرلەسىپ, 2020-2021 جىلدارعا ارنالعان زاڭسىز اكەتۋگە, اكەلۋگە جانە ادام ساۋداسىنا قارسى ءىس-قيمىل جونىندەگى ۆەدومستۆوارالىق كوميسسيانىڭ جۇمىس جوسپارىن ازىرلەۋدە.
ەسكە سالا كەتەيىك, ءوزارا ءىس-قيمىلدى ۇيلەستىرۋ ءۇشىن كوميسسيانىڭ توراعالىعى اۋىسپالى نەگىزدە بولادى. 2014-2015, 2018-2019 جىلدارى ونى قر ء ىىم جۇزەگە اسىردى, 2016-2017 جىلدارى, سونىمەن قاتار اعىمداعى جىلدان 2021 جىلعا دەيىن قر ەحاقم اتقارۋدا.
