"پرەزيدەنت جەمقورلىققا قارسى رەفورمالاردىڭ العاشقى پاكەتىن وتكەن جىلدىڭ مامىرىندا جاريالادى. تىكەلەي باعىنىشتى قىزمەتكەردىڭ جەمقورلىعى ءۇشىن باسشىلاردىڭ جاۋاپكەرشىلىگى ينستيتۋتى رەتتەلدى. قاراستىرىلىپ وتىرعان كەزەڭدە (سوڭعى ەكى اپتادا – اۆت.) اۋداندىق جانە وبلىستىق دەڭگەيدەگى 9 اكىم وتستاۆكاعا كەتۋ تۋرالى ءوتىنىش بەردى. التاۋى جۇمىستان شىقتى", دەپ حابارلادى بۇگىن سىبايلاس جەمقورلىققا قارسى كۇرەس اگەنتتىگىنىڭ وكىلدەرى.
دەرەككوزگە سۇيەنسەك, ساتباەۆ قالاسىنىڭ اكىمى ىدىرىسوۆتىڭ جانە الماتى وبلىسى پانفيلوۆ اۋدانى اكىمى ومىراليەۆتىڭ وتستاۆكالارى قابىلدانباعان. وبلىس اكىمدەرى ولارعا "سوگىس" جاريالاعان.
"28 قىركۇيەكتە قوستاناي وبلىسى رۋدنىي قالاسىنىڭ اكىمى عايازوۆ وتستاۆكاعا كەتتى, ول بۇل قىزمەتتى 2011 جىلدان بەرى اتقارىپ كەلەدى. بۇعان دەيىن حابارلانعانداي وعان تىكەلەي باعىنىشتى رۋدنىي قالاسى قاشار كەنتىنىڭ اكىمى الدونعاروۆقا قاتىستى ۇكىم زاڭدى كۇشىنە ەندى. سونىمەن قاتار, اتىراۋ وبلىسى قۇرمانعازى اۋدانىنىڭ اكىمى نۇرتاەۆتىڭ وتستاۆكاعا كەتۋ تۋرالى ءوتىنىشى قارالىپ جاتىر. ونىڭ ورىنباسارى تاجىباەۆ سوتتالدى", دەيدى اگەنتتىك وكىلى.
جالپى, اگەنتتىكتىڭ 1-ءشى دەپارتامەنتىنىڭ اسا ماڭىزدى ىستەر جونىندەگى اعا تەرگەۋشىسى دانيار بيگايداروۆ حابارلاعانداي, ەكى اپتا ىشىندە قازاقستاندا جەمقورلىققا قاتىسى بار 3 لاۋازىمدى تۇلعا ۇستالعان. وسى ارالىقتا 3 لاۋازىمدى تۇلعا ۇستالعان, 2 تۇلعاعا قاتىستى "كۇزەتپەن ۇستاۋ" , 3 ادامعا قاتىستى "ۇيقاماق" بۇلتارتپاۋ شاراسى قولدانىلدى.
