"سويۋز تم" ەكيپاجىندا ودان بولەك, سوۆەت عارىشكەرى الەكساندر ۆولكوۆ پەن اۆستريالىق كوسموناۆت فرانتس فيبەك بولدى. عارىشكەرلەر "مير" كەشەنىندە ءبىر اپتادان استام ۋاقىت جۇمىس ىستەدى. 10 قازاندا ەكيپاج جەرگە ورالدى.
توقتار اۋباكىروۆ – قازاقتان شىققان تۇڭعىش عارىشكەر. 1969–1975 جىلدارى كەڭەس وداعى اسكەري-اۋە كۇشتەرىنىڭ قيىر شىعىس اسكەري وكرۋگىندە ۇشقىش, زۆەنو كومانديرى, ەسكادريليا كومانديرىنىڭ ورىنباسارى بولعان.
1991 جىلى 2 ساۋىردە كەڭەس وداعى عارىشكەرلەر دايارلاۋ ورتالىعىندا عارىشقا ۇشۋ دايىندىعىنا كىرىسىپ, سول جىلى 2 قازاندا بايقوڭىردان "سويۋز تم-13" كەمەسىمەن عارىشقا ۇشتى.
عارىش كەمەسى جەر توڭىرەگىندەگى "مير" وربيتالىق كەشەنىمەن ءتۇيىستى. وندا ول وزگە عارىشكەرلەرمەن بىرگە بيوتەحنولوگيا, مەتاللۋرگيا, مەديتسينا سالالارى جانە ارال تەڭىزى ايماعى بويىنشا عىلىمي-زەرتتەۋ جۇمىستارىن جۇرگىزدى.
وسىلايشا 45 جاسىندا عارىشكەر اتاندى.
