قارۋلى كۇشتەر باس شتابى باستىعىنىڭ ورىنباسارى – تاربيە جانە يدەولوگيالىق جۇمىستار دەپارتامەنتىنىڭ باستىعى, ءبىرىنشى دارەجەلى كاپيتان سەرىك بورامباەۆ قازاقستان رەسپۋبليكاسىنىڭ پرەزيدەنتى قاسىم-جومارت توقاەۆتىڭ حالىققا جولداۋىنىڭ نەگىزگى ەرەجەلەرى مەن تاربيە قۇرىلىمدارىنىڭ مىندەتتەرىن ءتۇسىندىرۋ بويىنشا ءسوز سويلەدى.
جيىنعا قاتىسۋشىلار ءۇشىن مەملەكەتتىك ورگانداردىڭ, قوعامدىق جانە ارداگەرلەر ۇيىمدارىنىڭ وكىلدەرىمەن كەزدەسۋلەر ۇيىمداستىرىلدى. اقپارات جانە قوعامدىق دامۋ مينيسترلىگى باسقارماسىنىڭ باستىعى سالتانات الىمقۇلوۆانىڭ بايانداماسى قازىرگى زامانعى حالىقارالىق قاتىناستار مەن قاۋىپسىزدىك پروبلەمالارىنا ارنالدى. دەسترۋكتيۆتى ءدىني يدەيالاردىڭ تارالۋىن بولدىرماۋعا باعىتتالعان جۇمىستاردىڭ نىساندارى مەن ادىستەرى تۋرالى نۇر-سۇلتان قالاسى اكىمدىگىنىڭ ءدىن ماسەلەلەرىن زەرتتەۋ ورتالىعىنىڭ تەولوگى مارات سماعۇلوۆ اڭگىمەلەپ بەردى.
قورعانىس ءمينيسترىنىڭ ءبىرىنشى ورىنباسارى – قازاقستان قارۋلى كۇشتەرى باس شتابىنىڭ باستىعى مۇرات بەكتانوۆ تاربيەشى-وفيتسەرلەرگە ارناعان سوزىندە اسكەري قىزمەتشىنىڭ جوعارى جاۋىنگەرلىك رۋحىنىڭ ماڭىزدىلىعى تۋرالى تىلگە تيەك ەتتى. «جاۋىنگەرلىك رۋح بورىشقا دەگەن ادالدىقتان, پاتريوتيزم مەن تاربيەدەن قالىپتاسۋى كەرەك. بۇل ءوز كەزەگىندە وزىنە, ءوز مۇمكىندىكتەرىنە جانە ارىپتەستەرىنە دەگەن سەنىمدى نىعايتادى», – دەپ اتاپ ءوتتى گەنەرال-لەيتەنانت مۇرات بەكتانوۆ.
وقۋ-ادىستەمەلىك جيىننىڭ جۇمىسىنا مەملەكەت تاريحى ينستيتۋتى ديرەكتورىنىڭ ورىنباسارى امانگەلدى قاشقىمباەۆ, «قارۋلى كۇشتەردىڭ ارداگەرلەرى» رقب توراعاسىنىڭ ورىنباسارى, وتستاۆكاداعى گەنەرال-مايور مارات نۇعىمانوۆ قاتىستى. سونىمەن قاتار «مەديا professional» جشس باسشىسى عازيزا رايىمبەك وفيتسەرلەردى شەشەندىك ونەر تاسىلدەرىمەن تانىستىردى.
تاربيەشى وفيتسەرلەردىڭ وقۋ-ادىستەمەلىك جيىن بارىسىندا العان بىلىمدەرى ەلىمىزدىڭ قارۋلى كۇشتەرىندەگى تاربيە جانە يدەولوگيالىق جۇمىستاردىڭ ساپاسىن ارتتىرۋعا ىقپال ەتەتىن بولادى.
