ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسىنىڭ مالىمەتتەرى بويىنشا وبلىستىق جەلىلەر مەن جىلۋمەن جابدىقتاۋ جۇيەلەرى جىلۋ بەرۋ ماۋسىمىنا 100% دايىن.
ءبىرىنشى كەزەڭدە دەنساۋلىق ساقتاۋ جانە مەكتەپكە دەيىنگى ءبىلىم بەرۋ (بالاباقشالار) مەكەمەلەرى جىلۋمەن جابدىقتاۋعا قوسىلۋدا.
كەلەسى كەزەڭدە تۇرعىن ءۇي, الەۋمەتتىك, كوممەرتسيالىق جانە باسقا دا نىساندار جىلۋمەن قامتىلادى. قولدانىستاعى نورماتيۆتەرگە سايكەس, ول ءۇشىن سىرتقى اۋا تەمپەراتۋراسى 5 كۇن بويى +8 گرادۋسقا تەڭ نەمەسە ودان تومەن بولۋى كەرەك.
وتكەن 5 كۇندە وڭىردەگى ورتاشا تاۋلىكتىك تەمپەراتۋرا: + 10°س-دەن + 11°س-گە دەيىن جانە سارسەنبى كۇنى عانا + 7,5°س بولدى.
قازگيدرومەت ورتالىعىنىڭ بولجامىنا سايكەس الداعى كۇندەرى ورتاشا تاۋلىكتىك تەمپەراتۋرا جۇما كۇنى +12°س, سەنبى + 13°س, جەكسەنبى مەن دۇيسەنبى كۇندەرى + 12°س, ال سەيسەنبى 10 ° س بولادى دەپ كۇتىلۋدە.
الايدا, كوروناۆيرۋستىق ينفەكتسيانىڭ ىقتيمال ەكىنشى تولقىنى جانە جرۆي اۋرۋلارى ماۋسىمىنىڭ باستالۋىن ەسكەرە وتىرىپ, تەمپەراتۋرا كۇرت تومەندەگەن جاعدايدا تۇرعىن ۇيلەرگە جىلۋدى مەرزىمىنەن بۇرىن بەرۋ ماسەلەسى قاراستىرىلادى.
