جاس پوليتسيا قىزمەتكەرلەرى مەن «1980 جازعى وليمپيادا ويىندارىندا» قوعامدىق ءتارتىپتى ساقتاۋعا قاتىسقان ىشكى ىستەر ورگاندارى ارداگەرلەرى - ءتورت سولتۇستىكقازاقستاندىق ميليتسيونەردىڭ كەزدەسۋى بارلىق سانيتارلىق نورمالاردى ساقتاۋمەن وتكىزىلدى.
پاترۋلدىك پوليتسەيلەر, ۋچاسكەلىك ينسپەكتورلار, تەرگەۋشىلەر, جەدەل ۋاكىلدەر – ۆەدومستۆولىق مۋزەيدىڭ قابىرعاسىندا ەڭبەك ءوتىلى ءۇش جىلدان اسپايتىن قىزمەتكەرلەر جينالدى. اقساقالدار اعباي وماروۆ, نيكولاي پيليپيچ, ۆلاديمير كريۆۋشين, ەربولات ابدىقاسىموۆ ءسوز سويلەدى. ولاردىڭ ارقايسى ميليتسيانىڭ جەدەل بولىنىستەرىندە جانە باسقا دا قىزمەتتەردە ونداعان جىل ەڭبەك ەتكەن. قىزمەت جىلدارىنداعى ۇمىتىلماس ساتتەردىڭ ءبىرى – ماسكەۋلىك وليمپيادادا قۇقىقتىق ءتارتىپتى ساقتاۋعا قاتىسقاندارى. ميليتسيا پولكوۆنيگى ميحايل بارانوۆ باسقارعان سقو ءىىب قىزمەتكەرلەرىنىڭ جيىنتىق جاساعى كەڭەس وداعىنىڭ استاناسىندا 1980 جىلدىڭ 19 شىلدەسىنەن 3 تامىزعا دەيىن قىزمەت وتكەرگەن. ارداگەرلەر حالىقارالىق ءدۇبىرلى دودا الاڭىندا بولعان قىزىقتى وقيعالارىمەن ءبولىستى. جاستار اقساقالدارعا سۇراقتارىن جاۋدىردى: جاس پوليتسەيلەردى حالىقارالىق ءىس-شارانىڭ اتموسفەراسى, ەستە قالارلىق ءىسساپاردان كەيىنگى جۇمىس كۇندەرى قىزىقتىردى. قوناقتار ەستەلىكتەرىمەن ءبولىسىپ, قىزمەتكە ءاردايىم انتقا ادال بولۋ, تارتىپتىلىك پەن ادالدىق قاجەت ەكەنىن اتاپ ءوتتى. اڭگىمەلەسۋ اياقتالعاننان كەيىن قاتىسۋشىلار سقو پوليتسيا دەپارتامەنتى باستىعى پوليتسيا پولكوۆنيگى مارات تولەباەۆتىڭ العىس حاتىمەن ماراپاتتالدى.
سقو پوليتسيا دەپارتامەنتى باستىعىنىڭ ورىنباسارى پوليتسيا پولكوۆنيگى قاپەز داۋلەتباەۆ ارداگەرلەرگە ءىس-شاراعا قاتىسقاندارى ءۇشىن العىسىن ءبىلدىرىپ, كەزدەسۋدىڭ مۋزەي قابىرعاسىندا ۇيىمداستىرىلعانى كەزدەيسوق ەمەس ەكەنىن اتاپ ءوتتى: «مۋزەيىمىز ءىىم جۇيەسىندە ەڭ ۇزدىك مۋزەيلەردىڭ ءبىرى بولىپ تابىلادى. سىزدەرگە زالداردى ارالاپ, جادىگەرلەرمەن تانىسۋعا كەڭەس بەرەمىز. بۇل ەڭبەك جولىن جاڭا عانا باستاپ جاتقان جاس پوليتسەيلەر ءۇشىن اسا ماڭىزدى».
كەزدەسۋ سولتۇستىكقازاقستاندىق پوليتسيا مۋزەيىنىڭ كينوزالىندا اياقتالدى: مۋزەي مەڭگەرۋشىسى ليۋبوۆ وسينسكايا جانە قورلاردىڭ ساقتاۋشىسى نينا بەنگراف قوناقتار مەن جاس وفيتسەرلەردىڭ نازارىنا 40 جىل بۇرىن وتكەن ماسكەۋلىك وليمپيادا كينوحرونيكاسىنىڭ سيرەك كادرلارىن ۇسىندى
