كينورەجيسسەر راحىمجان قالدىكوزدىڭ "قۇيىن" كوركەمسۋرەتتى ءفيلمى تۇركيانىڭ بۋرسا قالاسىندا وتكەن 7-ءشى Yed-i Velayet حالىقارالىق قىسقامەترلى فيلمدەر فەستيۆالىندە ءۇشىنشى ورىندى يەلەندى.
ماراپاتتاۋ ءراسىمى 28 قىرقۇيەكتە ءوتتى. فەستيۆالگە كەلىپ تۇسكەن 680 ءوتىنىمنىڭ ىشىنەن 7 فيلم عانا اقىرعى كەزەڭگە وتكەن.
"قۇيىن" ءفيلمى ش. ايمانوۆ اتىنداعى "قازاقفيلم" كينوستۋدياسىنىڭ "دەبيۋت" شىعارماشىلىق-وندىرىستىك بىرلەستىگىندە تۇسىرىلگەن. وقيعاسى اناسىن جالماعان جانە اكەسىن مۇگەدەكتەر ارباسىنا بايلاعان جول اپاتىنان كەيىنگى ءومىرىن باز قالپىنا كەلتىرۋگە تىرىسقان وتباسى جايىندا.
