قوعام • 01 قازان، 2020

"جانۇيا" وتباسىن قولداۋ ورتالىعىنا 25 مىڭنان استام ادام جۇگىندى

18 رەت كورسەتىلدى

ءبىر جىلدان بەرى ەلوردادا الەۋمەتتىك، قۇقىقتىق، پسيحولوگيالىق كومەككە مۇقتاج وتباسىلار ءۇشىن "جانۇيا" وتباسى ينستيتۋتىن قولداۋ ورتالىعى جۇمىس ىستەيدى، دەپ حابارلايدى Egemen.kz ەلوردا اكىمدىگىنە سىلتەمە جاساپ. 

"كوپ بالالى، از قامتىلعان، مۇگەدەك بالالاردى تاربيەلەپ وتىرعان وتباسىلارعا كەشەندى كونسۋلتاتسيالىق قىزمەتتەر ۇسىنىلادى. ورتالىقتا جۇرگىزىلىپ جاتقان بارلىق جۇمىستار وتباسى ينستيتۋتىن نىعايتۋعا ىقپال ەتۋى كەرەك. 2020 جىلدىڭ باسىنان باستاپ 25 063 ادام 46 163 ماسەلە بويىنشا نۇر-سۇلتان اكىمدىگىنىڭ "جانۇيا" وتباسى ينستيتۋتىن قولداۋ ورتالىعى كومەگىنە جۇگىنگەن"، دەپ حابارلادى ەلوردالىق جۇمىسپەن قامتۋ جانە الەۋمەتتىك قورعاۋ باسقارماسى.

ورتالىقتا ەلوردا تۇرعىندارىنا ااك-گە ءوتىنىم بەرۋ، باسپانا كەزەگىنە تۇرۋ جانە مەديتسينالىق كومەك الۋ بويىنشا كەڭەس بەرىلەدى. تۇرعىندار مۇندا زاڭگەرلىك جانە پسيحولوگيالىق كومەك الا الادى.

"جانۇيا" ورتالىعى ومىرلىك قيىن جاعدايعا تاپ بولعان وتباسىلارعا الەۋمەتتىك قولداۋ كورسەتەدى. ورتالىق الاڭىندا "كاسىپكەر انا"  قالالىق انالارىنا ءوز بيزنەسىن دامىتۋعا قولداۋ كورسەتۋ ورتالىعى جۇمىس ىستەيدى. وندا ماماندار ءوز ءىسىن اشۋعا كومەك كورسەتىپ، كاسىپكەرلەر موتيۆاتسيالىق بيزنەس-ترەنينگتەر وتكىزەدى.

سونىمەن بىرگە ورتالىق بازاسىندا نۇر-سۇلتان اكىمىنىڭ اشىق قوعامدىق قابىلداۋى جۇمىس ىستەيدى. ال اۋدان اكىمدەرىنىڭ، باسقارما جانە باسقا ۇيىمدار باسشىلارىنىڭ ازاماتتاردى قابىلداۋى كەستەگە سايكەس جۇزەگە اسىرىلادى.

مەكەمەدە كەدەرگىسىز ورتا جاسالعان. ەرەكشە قاجەتتىلىكتەرى بار ادامدارعا ارنالعان ليفتىلەر بار. ارنايى ويىن الاڭى اشىلعان، وندا ورتالىق قىزمەتكەرلەرى بالالارعا قارايدى.

ورتالىق جۇمىس كۇندەرى ساعات 09.00-دەن 18.00-گە دەيىن جۇمىس ىستەيدى. بارلىق ماسەلەلەر بويىنشا وتباسى ينستيتۋتىن قولداۋ ورتالىعىنىڭ +7-7172-27-82-98 نومىرىنە حابارلاسۋعا بولادى. قوسىمشا اقپارات ورتالىقتىڭ Instagram پاراقشاسىندا.

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار