رۋحانيات • 01 قازان، 2020

اقش تەلەارناسى ديماشتىڭ قازاق تىلىندەگى بەينەبايانىن كورسەتەدى

67 رەت كورسەتىلدى

MTV USA تەلەارناسىندا ديماش قۇدايبەرگەننىڭ قازاق تىلىندە شىرقاعان ءانىنىڭ بەينەبايانى كورسەتىلەدى. وسىلايشا، ديماش – MTV-دا ءوز تىلىندە ءان شىرقاعان تۇڭعىش قازاقستاندىق ءانشى اتانعالى وتىر، دەپ حابارلايدى Egemen.kz dimashnews.com سايتىنا سىلتەمە جاساپ.

بۇل رەتتە، بەينەباياندى MTV USA ارناسىنىڭ رەسمي YouTube جەلىسى ارقىلى اقش-تان وزگە كەز كەلگەن ەل تاماشالاي الادى.

"مەنىڭ تىڭدارماندارىما، الەمنىڭ ءار تۇپكىرىندەگى ونەرىمدى باعالايتىن جانكۇيەرلەرىمە شىن جۇرەگىممەن العىس ايتامىن. ولار مەنىڭ بالا ارمانىمنىڭ ورىندالۋىنا سەبەپكەر بولدى. قازاقستان عانا ەمەس، تورتكۇل دۇنيەدەگى Dear-لارىمنىڭ قولداۋىنا رازىمىن. قۇرمەتىم مەن العىسىم شەكسىز"، دەپ لەبىزىن ءبىلدىردى ءانشى.

بەينەبايان بۇگىن نيۋ-يورك ۋاقىتىمەن 17:00 مەن 20:00 ارالىعىندا، ال نۇر-سۇلتان ۋاقىتىمەن تۇنگى 03:00 مەن تاڭعى 06:00 ارالىعىندا جۇكتەلەتىنى بەلگىلى بولىپ وتىر. بۇل – امەريكادا جۇما كۇنگى پرايم-تايم ۋاقىت. ءدال وسى ۋاقىتتا MTV ارناسىن ەڭ كوپ كورەرمەن قارايدى.

 

 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار