نۇر-سۇلتان قالاسىنىڭ باس مەملەكەتتىك سانيتارلىق دارىگەرى جاننا پىراليەۆا شاھار حالقىن سانيتارلىق تالاپتارىن ساقتاۋعا شاقىرىپ, كارانتين ءتارتىبىن بۇزۋشىلارعا ەسكەرتۋ جاسادى.
«كاسىپكەرلىك سۋبەكتىلەرى اراسىندا كارانتين رەجىمىن ەلەمەي, بىرنەشە رەت ءتارتىپ بۇزعاندار بار. مىسالى, ەسىل اۋدانى تۇران داڭعىلى №2 مەكەنجايىندا ورنالاسقان جازعى كافەسى بار. «Auraclub Alanya» تۇنگى كلۋبى شەكتەۋ جانە كارانتين شارالارىن بۇزعانى ءۇشىن 8 رەت اكىمشىلىك جاۋاپكەرشىلىككە تارتىلدى. اتاپ ايتقاندا, بەلگىلەنگەن جۇمىس ۋاقىتىن, ماسكا تاعۋ ءتارتىبىن, الەۋمەتتىك قاشىقتىق ساقتاماعانى ءۇشىن جانە تۇنگى كلۋب پەن كاراوكە بولمەلەرىنە تىيىم سالىنعانىنا قاراماستان جۇمىسىن جۇرگىزگەنى ءۇشىن ەسكەرتۋ الدى», دەيدى ج.پىراليەۆا.
ماماندار ەپيدەميالىق احۋال جازداعىمەن سالىستىرعاندا تۇراقتالعانىمەن, ۆيرۋس قاۋپى ءالى جوعارى ەكەنىن, ەگەر تۇرعىندار سانيتارلىق ەرەجەلەرىنە نەمقۇرايلى قاراي بەرسە, جاعداي ۋشىعۋى مۇمكىن ەكەنىن العا تارتتى. بۇگىندە نۇر-سۇلتان قالاسىندا كۇن سايىن ۇشتەن جيىرماعا دەيىن كۆي اۋرۋىن جۇقتىرۋ فاكتىسى تىركەلىپ جاتىر.
«الەمدەگى ەپيدەميالىق احۋالدىڭ قالاي بولىپ جاتقانىن, بىرنەشە مەملەكەتتە ىندەت قايتادان كۇش العانىن قاپەردە ۇستاعان ءجون. ءبىز قالا تۇرعىندارىن ماسكا كيۋگە, الەۋمەتتىك قاشىقتى ساقتاۋعا جانە ادامدار كوپ جينالۋى ىقتيمال ورىندارعا بارۋدى شەكتەۋگە بايلانىستى قاراپايىم تالاپتاردى ورىنداۋعا ۇنەمى شاقىرامىز, بىراق بۇل تالاپتار كوپ جاعدايدا ەلەنە بەرمەيدى. ەگەر ەلوردالىقتار بەلگىلەنگەن تالاپتار مەن ۇسىنىستارعا ءۇستىرت قاراۋدى جالعاستىرا بەرەتىن بولسا, سونداي-اق ناۋقاس اداممەن جاقىن بايلانىستا بولعانى تۋرالى اقپاراتتى جاسىرسا, بۇل حالىق اراسىندا اۋرۋ جۇقتىرۋدىڭ قايتا ورشۋىنە اكەلىپ سوعۋى مۇمكىن. وندايدا ءبىز بەلگىلى ءبىر قىزمەت تۇرلەرىن توقتاتا وتىرىپ, قاتاڭ كارانتيندىك شارالاردى قايتا ەنگىزۋگە ءماجبۇر بولامىز. سونىمەن قاتار الداعى ەپيدەميالىق ماۋسىمدا تۇماۋعا قارسى ەكپە جاساۋ, يممۋنيتەتتى نىعايتۋ, جىلى كيىنۋ, سىرقاتتانعان جاعدايدا ءوز بەتىنشە ەمدەلمەي, دەرەۋ دارىگەردىڭ كومەگىنە جۇگىنۋ كەرەك», دەدى ەلوردانىڭ باس مەملەكەتتىك سانيتارلىق دارىگەرى.
بۇگىنگە دەيىن ەلوردادا تىركەلگەن بارلىق كۆي جۇقتىرعانداردىڭ 4,2%-ى, ياعني 594-ءى – 14 جاسقا دەيىنگى بالالار. سونداي-اق 15-تەن 17 جاسقا دەيىنگى 75 ءجاسوسپىرىم ىندەت جۇقتىردى.
