وقيعا • 01 قازان، 2020

شوقان قاشقاردان اكەلگەن قۇمىرا

25 رەت كورسەتىلدى

بۇگىن وڭتۇستىك استانادا حالىقارالىق ىنتىماقتاستىق اياسىندا قىتاي حالىق رەسپۋبليكاسىنىڭ الماتى قالاسىنداعى باس كونسۋلدىعىمەن بىرلەسكەن «عاجايىپ قولتاڭبا» اتتى كورمە اشىلدى. ءبىر ايعا سوزىلاتىن كورمەگە قازاقستان رەسپۋبليكاسى مەملەكەتتىك ورتالىق مۋزەيى قورىندا ساقتالعان قىتاي فارفور بۇيىمدارى قويىلادى.

مەملەكەتتىك ورتالىق مۋ­زەيىنىڭ قورىندا XIX عاسىردىڭ ەكىنشى جارتىسىندا (قر موم ورىن­بور كەزەڭىنىڭ تاريحى) قا­لىپ­تاسا باستاعان قىش پەن فار­­فور توپتامالارى ەرەكشە ورىن الادى. ول كەزدە مۋزەيگە وت­كى­زىلگەن العاشقى ەكسپوناتتار­دى جەكە ادامدار «سىيعا بەرگەن» جانە ولار نەگىزىنەن XVIII-XIX عاسىرلارعا تيەسىلى تۇرمىس­تىق زاتتار ەدى. ولاردىڭ اراسىن­دا اسەمدىگى جانە كوركەم پىشىن­دەرىمەن نازار اۋدارتاتىن ءارتۇر­لى كەراميكادان جاسالعان بۇيىم­دار بار.

قىتاي فارفورى – اسپاناس­تى يمپەرياسىنىڭ مادەنيەتى مەن ونەرىنىڭ ماڭىزدى كومپونەنت­تەرىنىڭ ءبىرى. جادىگەر بۇيىمدار فار­فورعا سۋرەت سالۋ ونەرىن كور­سەتەدى، سونىمەن قاتار ەجەلگى دا­ۋىر­لەردەن باستاپ ءار زاماندا ءوز تۋىندىلارى ارقىلى الەمدىك ونەر­گە قۇندى ۇلەس قوسقان قى­تاي شە­بەرلەرىنىڭ عاسىرلىق داس­تۇرلەرىن پاش ەتەدى.

«عاجايىپ قولتاڭبا» كورمە­سىنىڭ ەكسپوزيتسياسى 3 بولىمنەن تۇرادى: ارحەولوگيالىق قازبا جۇ­مىس­تارىنىڭ ۇلگىلەرى; فار­فوردى كوركەم كەراميكا ونە­رىنىڭ ايرىقشا ۇلگىسى رەتىندە تانىستىرۋ; سونداي-اق كوركەم كەراميكانىڭ ءساندى شاعىن تۇر­لەرى. كورمەگە قازاقستان ورتالىق مۋ­زەيىنىڭ فارفوردان، فايانس، كە­راميكا، مىس، سازدان جاسالعان 60-تان استام بىرەگەي ەكسپوناتتارى قويىلادى. جۇرت نازارىنا ۇسىنىلاتىن جادىگەرلەر ىشىندە تالعار قالاسىنان (تالحير) تا­بىلعان، ۇلى جىبەك جولىمەن بىزگە جەتكەن قىش بۇيىمدارىن كور­سەتەتىن ارحەولوگيالىق قىش بۇيىمدارى ەرەكشە قىزىعۋ­شى­لىق تۋدىرادى. بۇل XI-XII عاسىرلارداعى قىتاي فارفورىنان جاسالعان، سۋن ديناستياسىنا تيەسىلى، الماتى ماڭىنداعى ەجەلگى تالحير (تالعار) قالاسىن­داعى قازبا جۇمىستارى كەزىندە تابىلعان توستاقتار مەن تاباقتار. XIX عاسىردىڭ 40-جىلدارىندا ورىنبور قالاسىندا ساتىپ الىنعان گۇلدى ويۋلار مەن قى­تايلىق ورنەكتەرى بار فار­فور­­­­دان جاسالعان ىدىس-اياق­تار­­­­دىڭ عاجايىپ كوللەكتسياسى، قۇمىرالار، ونىڭ ىشىندە قاش­­قاريادان ش.ءۋاليحانوۆ ءوزى اكەلگەن جەكە قۇمىراسى، سو­نى­­مەن قاتار حح عاسىردىڭ ءار جىل­دارىنداعى شاي ءراسىمىنىڭ زاتتارى دا كوپشىلىك نازارىنا ۇسىنىلادى. قازاقستان رەسپۋب­ليكاسىنىڭ تۇڭعىش پرەزيدەنتى ن.ءا.نازارباەۆقا قحر باسشىلارى سىيعا تارتقان قۇمىرالار مەن كادەسىيلار دە قۇندى جادىگەر­لەردىڭ قاتارىندا.

قىتايلىق قولونەرشىلەر سالعان بۇيىمدار ساپاسى، ادە­مىلىگى، دەكوردىڭ وزىن­دىك ەرەك­شەلىگى، پىشىندەرى مەن تاقى­رىپتارىنىڭ الۋان تۇرلىلىگىمەن ەرەكشەلەنەدى. قىتاي پەي­زاج­دارىنىڭ سۇلۋلىعى، بۋددا حرام­­دارىنىڭ، سارايلار مەن پاگودتاردىڭ اسەم فور­ما­لا­رى، گۇلدەرمەن اشەكەي­لەنگەن بۇيىم­دار، گۇل كومپوزيتسيا­لارىنىڭ سىزبالارى، سۋرەتتەر، يەروگليفتەر – وسىنىڭ ءبارى سۋرەتشىلەردىڭ جوعارى شەبەرلىگىن پاش ەتەدى.

 

الماتى

 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار