الەمدىك رەيتينگتە 76-ورىنعا جايعاسقان جەرلەسىمىز زارينا دياس فرانتسيا اشىق چەمپيوناتىنداعى تۇساۋكەسەر كەزدەسۋىن رەيتينگتە 35-ورىندا تۇرعان تۋنيس سپورتشىسى ونس جابەرمەن وتكىزىپ, جەڭىلىپ قالدى. ءۇش سەتكە سوزىلعان باسەكەنىڭ العاشقى پارتياسىندا دياس 6:4 ەسەبىمەن سەنىمدى جەڭىسكە جەتىپ, جارىستى ءساتتى باستاعان ەدى. الايدا كەيىنگى ەكى سەتتە 6:3, 6:1 ناتيجەسىمەن قارسىلاسىنا ەسە جىبەرىپ, «رولان گارروس» ءتۋرنيرىنىڭ جەكەلەي جارىستاعى ونەرىن اياقتادى. دەسە دە وتانداسىمىز جۇپتىق باسەكەلەرىن جالعاستىرادى.
ايتا كەتەيىك, حالىقارالىق دوداعا قاتىسىپ جاتقان وزگە جەرلەستەرىمىز العاشقى اينالىمدى ءساتتى باستاپ, ەكىنشى كەزەڭگە جولداما الدى. بۇل كەزەڭدە يۋليا پۋتينتسەۆا ارگەنتينالىق نادەي پودوروسكامەن, الەكساندر بۋبليك يتاليالىق لورەنتسو سونەگومەن جانە ميحايل كۋكۋشكين يسپانيالىق تەننيسشى پەدرو مارتينەس پورتەرومەن باق سىنايدى.
