سپورت • 01 قازان، 2020

يتالياعا بەت الدى

8 رەت كورسەتىلدى

3 قازاندا ۆەلوسپورتتان «تۋر دە فرانس» جارىسىنان كەيىنگى ورىندا تۇرا­تىن «دجيرو د’يتاليا» گراند-تۋرى باس­تالادى. 15 قازانعا دەيىن سوزىلا­تىن كوپكۇندىكتە قازاقستاننىڭ «اس­تانا» ۆەلوكلۋبىنىڭ دا سپورتشىلارى باق سىنايدى.

سوناۋ 1909 جىلدان بەرى ۇيىمداستىرىلىپ كەلە جاتقان ءدۇبىرلى دودا بيىل 103-مارتە وتكىزىلىپ جاتىر. يتاليا تاس جولدارىنداعى ءداستۇرلى جارىستا قازاقستاندىق كوماندا جىل سايىنعى باسەكەدە ءتاۋىر ونەر كورسەتىپ ءجۇر. ءتىپتى «استانانىڭ» ەكى ۆەلوشاباندوزى ءۇش رەت جارىس جەڭىمپازى اتانعان. اتاپ ايتساق، 2008 جىلى يسپانيالىق البەرتو كونتادور ءبىر رەت جانە 2013، 2016 جىلدارى يتاليالىق ۆينچەنتسو نيبالي ەكى مارتە وسى جارىستىڭ باس جۇلدەسىن ولجالاپ، «استانانىڭ» ابىرويىن اسقاقتاتقان ەدى. سونىمەن قاتار جەكەلەگەن كەزەڭدەردە باسقا دا ۆەلوشاباندوزدارىمىز تۇعىردىڭ بيىك ساتىسىنان كورىندى.

بيىلعى جارىسقا «استانا» ۆەلوكلۋبىنان مىنا سپورتشىلار قاتىسادى: ياكوب فۋلسانگ، الەكساندر ۆلاسوۆ، ميگەل ان­حەل لوپەس، يۋري ناتاروۆ، مانۋەلە بوارو، فابيو فەللينە، ۆاديم پرونسكي جانە وسكار رودريگەس.

 

 

سوڭعى جاڭالىقتار

اتىراۋدا 9 بالانى يت تالادى

ايماقتار • 24 قازان، 2020

ۇقساس جاڭالىقتار