باسقارما باسشىسىنىڭ ايتۋىنشا, ماۋسىمدىق ينفەكتسيالىق سىرقات بولعان جاعدايدا مەديتسينا ماماندارى مەن ءدارى-دارمەك قورى جەتكىلىكتى جانە ناۋقاستارعا ارنالعان توسەكتىك ورىن تولىعىمەن دايىن.
– ەم-شارا جۇرگىزۋگە 2 مىڭ مەديتسينا قىزمەتكەرى جۇمىلدىرىلادى. ونىڭ ىشىندە دارىگەرلەر سانى 282 بولسا, ورتا مەديتسينالىق پەرسونال – 600, ال كىشى مەديتسينالىق پەرسونال – 450. بۇدان بولەك 700-دەن استام باسقا دا ماماندار تارتىلماق. بۇگىنگى تاڭدا ەلىمىزدە حالىقتى ۆاكتسينالاۋ جۇمىستارى بەلسەندى جۇرگىزىلۋدە. ماڭعىستاۋ وبلىسىندا بارلىعى 70 مىڭ ادام ۆاكتسينالاۋدان وتەدى. بۇگىندە تۇماۋعا قارسى ەكپەنى 19 393 ادام قابىلدادى, – دەدى ول.
سونداي-اق جيىندا جەدەل جاردەم قىزمەتى, جەكە قورعانىس قۇرالدارىن دايىنداۋ جانە وبەكتىلەردى اشۋعا دايىندىق بويىنشا توپتاردىڭ جۇمىسى ايتىلدى.
ماڭعىستاۋ وبلىسى بويىنشا وكپەنى جاساندى جەلدەتۋ اپپاراتتارى بۇرىن 95 دانا بولسا, قازىر 260 داناعا كوبەيگەن. ال وتتەگى كونتسەنتراتورى سانى 30 دانادان 564 داناعا جەتكەن. مەديتسينالىق ۇيىمدار بيۋدجەت قارجىسىنا, دەمەۋشىلىك جانە گۋمانيتارلىق كومەك ارقىلى 2 ايعا جەتەتىن 825 كوپ رەتتىك, 31 234 ءبىر رەتتىك قولدانىلاتىن كوستيۋم, 2 ملن دانا ماسكا, 29 650 قولعاپ جانە باسقا جەكە قورعانىس قۇرالدارىمەن قامتىلعان. ءوڭىر بويىنشا 274 ءدارىحانادا شامامەن 400 مىڭ دانا مەديتسينالىق بەتپەردە بار.
سونداي-اق ماڭعىستاۋ وبلىسىندا ءتورت كاتەگوريا بويىنشا حالىققا مەديتسينالىق قىزمەت كورسەتەتىن بارلىعى 198 اۆتوكولىك بار, ونىڭ 120-ى تۇرعىندارعا قىزمەت كورسەتسە, 16-ىنا جوندەۋ قاجەت, ال 62 اۆتوكولىكتى ەسەپتەن شىعارۋ جوسپارلانعان.
جىل باسىنان باستاپ دەمەۋشىلىك كومەكپەن 7 اۆتوكولىك (رەانيموبيل) وبلىستىق جەدەل جانە شۇعىل مەديتسينالىق جاردەم ستانساسىنا بەرىلگەن. تاعى جىل اياعىنا دەيىن اۆتوپاركتى قوسىمشا تولىقتىرۋ ءۇشىن «برك-ليزينگ» ارقىلى 52 اۆتوكولىك اكەلىنبەك.
جەدەل جاردەم قىزمەتى بۇرىن تاۋلىگىنە 10 ديسپەتچەرمەن وبلىس بويىنشا ورتاشا ەسەپپەن 600 قوڭىراۋ قابىلداسا, كوروناۆيرۋس ينفەكتسياسىنىڭ ءورشۋى كەزىندە قوڭىراۋلار سانى تاۋلىگىنە 2 مىڭعا جۋىق ءوسىپ, ونىڭ تەك 700-ءى قابىلداندى. ەندى دەمەۋشىلەر كومەگىمەن اتس قۇرىلعىسى الىنىپ, ناتيجەسىندە 2 مىڭعا جۋىق قوڭىراۋدى 15 ديسپەتچەرمەن وڭدەۋگە مۇمكىندىك تۋماق. قازىرگى تاڭدا ءبىر تاۋلىكتە 7 ديسپەتچەر, 2 كەزەكشى دارىگەر جانە باس دارىگەر شامامەن 600 قوڭىراۋ قابىلداپ وتىر.
وبلىس اكىمىنىڭ ورىنباسارى ن.اققۇلوۆتىڭ ايتۋىنشا, وڭىردە «جۇمىسپەن قامتۋدىڭ جول كارتاسى» اياسىندا 38 نىساننىڭ قۇرىلىسى جانە جوندەۋ جۇمىستارى جۇرگىزىلۋدە. اقتاۋ قالاسى بويىنشا 3 نىساندا اعىمداعى جوندەۋ جۇمىستارى جۇرگىزىلۋدە جانە ينفەكتسيالىق اۋرۋحانا سالىنۋدا. وبلىستىق اۋرۋحانادا جانە بالالار اۋرۋحاناسىندا جۇمىستار قازان ايىنىڭ 1-ىندە اياقتالادى. سونداي-اق ينفەكتسيالىق اۋرۋحانانىڭ قۇرىلىسى 65%-عا ورىندالعان.
مەديتسينالىق مەكەمەلەردىڭ جالپى جاعدايى مەن كۇزگى-قىسقى دايىندىق جۇمىستارى پىسىقتالعان جيىندا ماسەلەنىڭ ۇنەمى باقىلاۋدا بولاتىنى ايتىلدى.
ماڭعىستاۋ وبلىسى
