جۇمىس وتىرىسىنا الەۋمەتتانۋشى, «ستراتەگيا» الەۋمەتتىك-ساياسي زەرتتەۋلەر ورتالىعى» قق ديرەكتورى گۇلميرا يلەۋوۆا, قازاقستانداعى بۇۇ دامۋ باعدارلاماسىنىڭ جەتەكشىسى ارمان قاشقىنبەكوۆ, «تالاپ» قولدانبالى زەرتتەۋلەر ورتالىعىنىڭ پرەزيدەنتى, Nur وtاn پارتياسى ساياسي كەڭەسىنىڭ مۇشەسى راحىم وشاقباەۆ, ساياساتتانۋشى, BTS Digital عىلىمي جوباسىنىڭ جەتەكشىسى ساياسات نۇربەك, الەۋمەتتىك كاسىپكەر ەمين اسكەروۆ, ەۋروپالىق قۇقىق جانە ادام قۇقىعى ساراپتامالىق ينستيتۋتىنىڭ ديرەكتورى مارات باشيموۆ, جۋرناليست ماكسيم روجين, ساياساتتانۋشى ايدوس سارىم, «اكسەلەراتور دوبرا» رەسپۋبليكالىق ۆولونتەرلەر قوزعالىسىنىڭ جەتەكشىسى اينۇر ءسابيتوۆا, جۋرناليست جانە قوعام قايراتكەرى لياززات قوجاحمەت قاتىستى.
ۇقسك حاتشىسى ەرلان كارين اتاپ وتكەندەي, بۇل كەڭەس مۇشەلەرىنىڭ مينيسترلەرمەن بەسىنشى كەزدەسۋى. دەنساۋلىق ساقتاۋ ءمينيسترى الەكسەي تسوي, تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين, ءبىلىم جانە عىلىم ءمينيسترى اسحات ايماعامبەتوۆ جانە ەكولوگيا, گەولوگيا جانە تابيعي رەسۋرستار ءمينيسترى ماعزۇم مىرزاعاليەۆ ۇلتتىق قوعامدىق سەنىم كەڭەسى مۇشەلەرىمەن جۇزدەسكەن.
باسقوسۋعا قاتىسۋشىلار مينيسترگە قازىرگى وزەكتى ساۋالداردى قويىپ, جان-جاقتى جاۋاپتارىن الدى. ساياساتتانۋشى, BTS Digital ءبىلىم بەرۋ جوباسىنىڭ جەتەكشىسى ساياسات نۇربەك ەلىمىزدە قىزمەتكەرلەردىڭ ەركىن ۋاقىتتا جانە قاشىقتان جۇمىس ىستەۋىنە ارنالعان زاڭنامالىق شەكتەۋلەر ءالى ساقتالىپ وتىرعانىن اتاپ ءوتتى.
«بۇل – رەتتەۋ شارالارىن قاجەت ەتەتىن شارۋا, ويتكەنى كارانتينگە قاتىستى جاعداي جانە ونىڭ سالدارى ۇزاققا سوزىلاتىن سياقتى», دەدى C.نۇربەك.
«تالاپ» قولدانبالى زەرتتەۋلەر ورتالىعىنىڭ ديرەكتورى راحىم وشاقباەۆ تۇرعىندارعا زەينەتاقى قاراجاتىن باسپانا ماسەلەسىن شەشۋگە عانا ەمەس, وزدەرى نەمەسە بالالارىنىڭ ءبىلىم الۋىنا جۇمساۋىنا مۇمكىندىك بەرۋ تۋرالى ۇسىنىس جاسادى.
«پرەزيدەنت العاشىندا زەينەتاقى قاراجاتىن ءبىلىم الۋعا جۇمساۋ تۋرالى ايتتى, بىراق ءبىز ونى جۇمىس توبىندا تالقىلاعان كەزدە كوپشىلىك بۇگىندە قازاقستاندا ءبىلىم الۋعا قاجەتتى قۇرالدار جەتكىلىكتى دەگەن توقتامعا كەلدى. ولار ودان گورى اقىسى قىمباتقا تۇسەتىن ەمدەۋ شارالارىنا ءبولۋ جولدارىن قاراستىرۋدى ءجون كوردى. قازىر زاڭ جوباسى پارلامەنت قاراۋىندا جاتىر. ءبىز ەڭبەك جانە الەۋمەتتىك قورعاۋ مينيسترلىگىندە ءبىلىم الۋدىڭ جەڭىل جولدارى بار دەگەن شەشىمگە كەلدىك – ەگەر ءبىز قانداي دا ءبىر ازاماتقا زەينەتاقى قاراجاتىنىڭ بەلگىلى ءبىر مولشەرىن الۋعا مۇمكىندىك بەرسەك, ەگەر ول ونى ءبىلىم الۋعا جۇمساسا, وندا تۇرعان ەشتەڭە جوق. ەگەر ءسىز ۇقسك مۇشەسى رەتىندە قولداۋ كورسەتسەڭىز, دەپۋتاتتار دا وسىنداي پىكىردە بولسا, مۇنى پارلامەنتتە شەشۋگە بولادى», دەپ جاۋاپ بەردى ءبىرجان نۇرىمبەتوۆ.
«اكسەلەراتور دوبرا» رەسپۋبليكالىق ۆولونتەرلەر قوزعالىسىنىڭ جەتەكشىسى اينۇر ءسابيتوۆا مينيسترگە ۆولونتەرلىك جۇمىستى نەگىزگى جۇمىس تاجىريبەسىنە قوسۋدى ۇسىندى.
وتىرىستىڭ سوڭىندا كەزدەسۋ بارىسىندا ايتىلعان ۇسىنىستار مينيسترلىك تاراپىنان قابىلدايتىندىعى ايتىلدى. ءوز كەزەگىندە, ەڭبەك جانە حالىقتى الەۋمەتتىك قورعاۋ ءمينيسترى ب.نۇرىمبەتوۆ بىرقاتار ماسەلەلەردى پىسىقتاۋعا ۆەدومستۆو جانىنداعى جۇمىس توبىنا ۇقسك مۇشەلەرىن دە شاقىردى.
