وسىلايشا سارقان اۋدانىندا قانت قىزىلشاسىن جيناۋ ناۋقانى باستالدى. بيىل اۋدان بويىنشا 3167 گەكتار جەرگە ءتاتتى ءتۇبىر تۇقىمى سەبىلگەن, ودان 126 680 توننا ءونىم الۋ ويدا بار.
"مول ءونىم الۋعا نەگىز بار. بىلتىر 2850 گا تاناپقا قانت قىزىلشاسى سەبىلىپ, ودان 97 مىڭ توننادان استام ءونىم العان ەدىك. قازىر شارۋالاردىڭ جاز بويى كۇتىپ-باپتاپ وسىرگەندەرىن جيناپ, ەڭبەك جەمىسىنە كەنەلەتىن بەرەكەلى دە مەرەكەلى شاقتارىنىڭ ءبىرى. سوندىقتان قانت قىزىلشاسىن وسىرۋگە دەن قويعان ديقاندار دا كۇزدىڭ ءار كۇنىن قالت جىبەرمەي, ناۋقاندىق جۇمىستاردى قىزدىرۋدا", دەيدى سارقان اۋداندىق اۋىل شارۋاشىلىعى ءبولىمىنىڭ باسشىسى جاندوس ومىرسادىق.
جالپى, اۋداندا قانت قىزىلشاسىن جيناپ, تاسىمالداۋ ءۇشىن بارلىعى 80 جۇك كولىگى, 12 كومباين جۇمىلدىرىلۋدا. ال ءتاتتى ءتۇبىر قازۋ جۇمىسى 86 شارۋا قوجالىنىڭ تاناپتارىندا ءبىر مەزگىلدە باستالعان.
ءونىم دە جامان ەمەس. "جاسقانت", "ەلۋباەۆ" جانە "سامال" شارۋا قوجالىقتارى ناۋقان باستالعان العاشقى كۇنى-اق 275 توننا قانت قىزىلشاسىن زاۋىتقا وتكىزىپ ۇلگەردى.
