مەديتسينا • 29 قىركۇيەك، 2020

الماتىدا كۇن سايىن جۇرەككە 3-4 اشىق وتا جاسالادى

33 رەت كورسەتىلدى

الماتىداعى كارديولوگيا ورتالىعىندا كۇن سايىن جۇرەككە 3-4 اشىق وتا جاسالادى، دەپ حابارلايدى Egemen.kz

جىل سايىن 29 قىركۇيەكتە دۇنيەجۇزىلىك جۇرەك فەدەراتسياسىنىڭ باستاماسىمەن دۇنيەجۇزىلىك جۇرەك كۇنى اتاپ اتاپ وتىلەدى. جۇرەك كۇنىن اتاپ ءوتۋ يدەياسى − ددۇ، يۋنەسكو، الەمنىڭ 100-دەن استام ەلىنىڭ قولداۋىنا يە بولعان. بۇل حالىقتىڭ جۇرەك-قان تامىرلارى اۋرۋلارى (جقا) تۋرالى اقپاراتتاندىرۋدى ارتتىرۋعا مۇمكىندىك بەردى، سەبەبى الەم بويىنشا جۇرەك اۋرۋلارى ءولىمنىڭ نەگىزگى سەبەبى بولىپ تابىلادى.

دسۇ مالىمەتتەرى بويىنشا جىل سايىن جقا-دان ورتاشا ەسەپپەن 17،5 ميلليون ادام قايتىس بولادى. بۇل بارلىق جاھاندىق ءولىمنىڭ 30% قۇرايدى. ددۇ بولجامدارىنا سايكەس، 2030 جىلى جقا-دان، نەگىزىنەن جۇرەك اۋرۋلارى مەن ينسۋلتتان شامامەن 23،6 ميلليونعا جۋىق ادام قايتىس بولادى.

ساراپشىلاردىڭ پىكىرىنشە، بۇل اۋرۋلار الەمدەگى ەپيدەميالىق جاعدايعا قاراماستان ءولىمنىڭ نەگىزگى ءبىر سەبەبى بولىپ قالا بەرەدى.

ادەتتە، قاراپايىم قاعيدالاردى ۇستاناتىن بولساڭىز، مەرزىمىنەن بۇرىن ينفاركت پەن ءينسۋلتتىڭ 80% الدىن الۋعا بولادى: دۇرىس تاماقتانۋ، ۇنەمى سپورتپەن اينالىسۋ، جامان ادەتتەردەن باس تارتۋ.

الماتى تۋرالى ايتاتىن بولساق، جۇرەك-قان تامىرلارى اۋرۋلارىنىڭ الدىن الۋعا جانە ەمدەۋگە كوپ كوڭىل بولىنەدى. ءتىپتى كوروناۆيرۋستىق ينفەكتسيا ەپيدەمياسى مەن دەنساۋلىق ساقتاۋ جۇيەسىنە وراسان زور جۇكتەمە تۇسكەن كەزدە دە جوسپارلانعان جۇمىس جانە وسى توپتاعى ناۋقاستارعا مەديتسينالىق كومەك كورسەتۋ توقتاعان جوق.

قالادا جقا ەمدەۋگە 177 كارديوحيرۋرگيالىق جانە 445 كارديولوگيالىق توسەك-ورىن جۇمىلدىرىلعان. 2017-2020 ج.ج. سوڭعى 6 ايدا الماتى قالاسى بويىنشا جاقسى كورسەتكىشتەرگە قول جەتكىزىلدى – ميوكارد ينفاركتىسىنەن بولاتىن ءولىم-ءجىتىم 18%-عا تومەندەدى.

وكىنىشكە قاراي، ءبىر تاۋلىكتە الماتى قالاسىنىڭ قالالىق كارديولوگيالىق ورتالىعىنا ورتا ەسەپپەن جقا-مەن 50-گە جۋىق ناۋقاس تۇسەدى. 2020 جىلدىڭ 9 ايىندا الماتى قالاسى قالالىق كارديولوگيالىق ورتالىعىندا 3299 كوروناروگرافيا جانە 1140 كورونارلىق تامىرلارعا ستەنتتەۋ جۇرگىزىلدى. كارديوحيرۋرگتار كۇن سايىن جۇرەككە 2 وتادان جاسايدى. الماتىلىق دارىگەرلەر، اسىرەسە، COVID-19 ەپيدەمياسى جاعدايىندا جقا-مەن اۋىراتىن ناۋقاستاردى جۇرگىزۋدىڭ زاماناۋي دەرەكتەرىن ۇنەمى زەرتتەپ وتىرادى.

سوڭعى جاڭالىقتار

ۇقساس جاڭالىقتار